‘India Today’ இதழ் விஜய் குறித்து அட்டைப்படம் வெளியிட்டதா? உண்மை என்ன?

திமுக அதிமுக ஆகிய கட்சிகளுகுக்கு விஜய் சாவலாக இருக்கிறார்.

X Link / Archive Link

தேர்தல் நேரத்தில் ‘India Today’ இதழ் அச்சு இதழ் விஜயின் தவெக கட்சி குறித்து சிறப்புக் கட்டுரை வெளியிட்டுள்ளதாகவும், ‘தமிழ்நாடு முழுவதும் விசில் சத்தம் கேட்கிறது’ என்று விஜயின் படத்தைக் கொண்டு அட்டைப்படம் ஒன்றை வெளியிட்டுள்ளதாகவும் சமூக வகைத்தளத்தில் பரப்பப்படுகிறது.

🚨 It's a red flag for DMK and ADMK pic.twitter.com/yVcRumwquN

— S D Raja - Returns (@raja_sd22122) April 20, 2026

உண்மை என்ன?

விஜய் குறித்து இதுபோன்று சிறப்புக் கட்டுரை ஏதும் ‘India Today’ அச்சு இதழ் வெளியிட்டிருக்கிறதா? என்று இணையத்தில் தேடினோம். அவ்வாறு எதுவும் வெளியிடப்படவில்லை என்பதை உறுதி செய்ய முடிகிறது. 

மேலும், பரப்பப்படும் இந்த அட்டைப்படத்தின் ஓரத்தில் ‘அக்டோபர் 26, 2023’ என்று தேதி குறிப்பிடப்பட்டுள்ளது. ‘India Today Magazine’ தளத்தில் 2023 ஆண்டுக்கான அட்டைப்படங்களை தேடியதில், இது போன்று எதுவும் வெளியிடப்பட்டிருக்கவில்லை என்பதை காண்கிறோம். 

மேலும், தவெக கட்சிக்கு ‘விசில்’ சின்னம் 2026 ஜனவரி மாதம் தான் தேர்தல் ஆணையத்தால் ஒதுக்கப்பட்டது. ஆனால் 2023-ல் வெளியான அட்டைப்படத்தில் ‘விசில்’ பற்றி குறிப்பிடப்பட்டிருப்பது சற்றும் பொருந்ததாத ஒன்றாகும்.

மேற்கூறிய விவரங்களிலிருந்து, இந்த படம்  தவறான தேதியுடன் செயற்கை நுண்ணறிவுத் (AI) தொழில்நுட்பத்தால் போலியாக உருவாக்கப்பட்டது என்பது உறுதியாகிறது.

முடிவு:

செயற்கை நுண்ணறிவுத் (AI) தொழில்நுட்பத்தால் போலியாக உருவாக்கப்பட்ட அட்டைப்படத்தைக் கொண்டு, தவெக பற்றி  ‘India Today’ இதழ் சிறப்புக் கட்டுரை வெளியிட்டிருப்பதாக தவறாக பரப்புகிறார்கள்.