அதிமுக அதிருப்தி MLA-கள் ஆலோசனை கூட்டத்தில் தற்கொலை செய்து கொள்வது குறித்து பேசினாரா சி.வி.சண்முகம்?

சீக்கிரம் நல்ல முடிவா எடுங்க boys

Archive link

2026 சட்டமன்றத் தேர்தலில் அதிமுக கூட்டணி 54 தொகுதிகளில் வெற்றி பெற்றது. அதில் 47 தொகுதிகளில் அதிமுக கட்சி வெற்றி பெற்றிருந்தது. தவெக 108 தொகுதிகளில் வென்று ஆட்சி அமைக்க தேவையான பெரும்பான்மை இல்லாமல் இருந்தது. இதனைத் தொடர்ந்து, சி.வி.சண்முகம், எஸ்.பி.வேலுமணி தரப்பு MLA-கள் தவெக ஆட்சி அமைக்க ஆதரவு தருவதாக கூறினர். மேலும் நம்பிக்கை வாக்கெடுப்பில் 25 அதிமுக MLA-கள் தவெகவிற்கு ஆதரவாக வாக்களித்தனர்.

இந்நிலையில் தவெக அரசுக்கு ஆதரவாக வாக்களித்த அதிமுக MLA-களின் கட்சி பதவிகளை பறித்து அதிமுக பொதுச்செயலாளர் எடப்பாடி பழனிசாமி உத்தரவிட்டார். இதனால் அதிமுகவில் சி.வி.சண்முகம் தரப்பு எடப்பாடி பழனிசாமி தரப்பு என பிளவு ஏற்படும் நிலை இருந்தது.

இந்நிலையில் அதிமுகவின் சி.வி.சண்முகம் தரப்பு MLA-களுக்கு தவெக அமைச்சரவையில் இடம் ஏதும் கொடுக்கப்படவில்லை. ‘தவெக அமைச்சரைைவயில் இடம் கிடைக்காததால், எஸ்.பி.வேலுமணி தலைமையிலான அதிமுக அதிருப்தி MLA-கள் அவசர ஆலோசனை நடத்தியதாகவும், அப்போது தூக்கு போட்டு சாகலாமா அல்லது விஷ மருந்து குடித்து சாகலாமா என்று சி.வி. சண்முகம் கூறியதாகவும்' Sun News ஊடகத்தில் News card வெளியிடப்பட்டுள்ளதாக திமுக ஆதரவாளர்களால் சமூக வலைதளத்தில் பரப்பப்படுகிறது.

உண்மை என்ன?

பரப்பப்படும் News card-ல் உள்ள வார்த்தைகளை கொண்டு இணையத்தில் தேடினோம். ‘Sun News’ செய்தி ஊடகத்தின் ‘எக்ஸ்’ கடந்த மே 21ஆம் தேதி வெளியாகி இருந்த ஒரு News card-ஐ காண முடிந்தது.

அதில் ‘தவெக அமைச்சரவையில் இடம் கிடைக்காததால், எஸ்.பி.வேலுமணி தலைமையிலான அதிமுக அதிருப்தி எம்.எல்.ஏக்கள் அவசர ஆலோசனை' என்றும் ‘தவெகவுக்கு ஆதரவு அளித்ததால் கட்சி பொறுப்புகளில் இருந்து இபிஎஸ் நீக்கிய நிலையில் அடுத்தக்கட்ட நிலைப்பாடு குறித்து ஆலோசனை’ என்றும் தான் குறிப்பிடப்பட்டுள்ளது.

அந்த உண்மை News card-ஐ Edit செய்து ‘தூக்கு போட்டு சாகலாமா அல்லது விஷ மருந்து குடித்து சாகலாமா' என்று எஸ்.பி.வேலுமணி பேசியதாக போலியான News card-ஐ உருவாக்கி அதனை சமூக வலைதளத்தில் பரப்பியுள்ளார்கள்.

முடிவு:

‘Sun News’ செய்தி ஊடகம் வெளியிட்ட உண்மையான News card-ஐ Edit செய்து போலியாக உருவாக்கப்பட்ட  News card-ஐ திமுகவினர் பரப்பி வருகிறார்கள்.