யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
’விசில்’ சின்னத்திற்கு வாக்களிக்குமாறு விஜய் பேசியதை Edit செய்து ‘உதய சூரியன்’ சின்னத்திற்கு வாக்களிக்குமாறு சொன்னதாக போலியான வீடியோவை பரப்புகிறார்கள்.
பரவிய செய்தி
திமுகவை ஜெயிக்க வைக்கத்தான் விஜய் போட்டியே போடுகிறார் என்று சொன்னால் மொத்த குரங்கு கூட்டமும் கடிக்க வரும்.
நீங்கள் பாத்துக்கங்க.
விரிவான விளக்கம்
வருகின்றன ஏப்ரல் 23ஆம் தேதி தமிழ்நாடு சட்டப் பேரவைக்கான தேர்தல் நடக்கவிருக்கிறது. இதனால் அனைத்து கட்சிகளும் தீவிரமான தேர்தல் பிரச்சாரத்தில் ஈடுப்பட்டு வருகின்றனர். இந்நிலையில், மார்ச் 30ஆம் தேதி சென்னை பெரம்பூர் தொகுதியில் போட்டியிடுவதற்கான வேட்புமனுவை தாக்கல் செய்த தவெக தலைவர் விஜய், அதனைத் தொடர்ந்து சென்னை பெரம்பூரிலும் கொளத்தூரிலும் பிரச்சாரக் கூட்டத்தில் பேசினார்.
திமுகவை ஜெயிக்க வைக்கத்தான் விஜய் போட்டியே போடுகிறார் என்று சொன்னால் மொத்த குரங்கு கூட்டமும் கடிக்க வரும்.
நீங்கள் பாத்துக்கங்க. pic.twitter.com/oPjPLoP3zc
அப்போது “உங்கள் வாக்காளர் அடையாள அட்டையை எடுத்துக்கொண்டு வாக்குச் சாவடிக்கு சென்று, ’உதய சூரியன்’ சின்னத்தில் வாக்கு செலுத்துங்கள்” என்று விஜய் பேசியதாக ஒரு சிறு வீடியோ சமூக வலைத்தளத்தில் திமுக ஆதரவாளர்களாலும், சவுக்கு சங்கர் போன்றவர்களாலும் பரப்பப்படுகிறது.
Wait Wait ….🙄
who are you Da... 👇🤦♂️#VoteForDMK pic.twitter.com/GfkBzRgDQu
உண்மை என்ன?
தவெக தலைவர் விஜய் பெரம்பூர் தேர்தல் பிரச்சாரத்தில் பேசிய வீடியோவை தேடிய போது, ’தமிழக வெற்றிக் கழகம்’ கட்சியின் அதிகாரப்பூர்வ யூடியூப் தளத்தில் இந்த வீடியோவைக் காணமுடிந்தது.
அதில், ’உங்களுக்கும் Gen Z தலைமுறையினருக்கு நான் சொல்லிக்கொள்வது ஒன்றே ஒன்று தான். ஏப்ரல் 23ஆம் தேதி உங்கள் வாக்காளர் அடையாள அட்டையை கையில் எடுத்துக்கொண்டு முதல் ஆளா பூத்ல நின்னு ’விசில்’ சின்னத்திற்கு வாக்குச் செலுத்துங்கள்’ என்றுதான் அவர் குறிப்பிட்டுள்ளார்.
இந்த உண்மையான காணொளியை Edit செய்து, உதய சூரியனுக்கு ஓட்டு போடச் சொன்னதாக போலியாக உருவாக்கப்பட்ட காணொளியை தான் திமுக ஆதரவாளர்கள் சமூக தலைத்தளத்தில் பரப்பி வருகின்றனர்.
முடிவு:
விஜய் ‘விசில்’ சின்னத்திற்கு வாக்களிக்குமாறு கேட்டதை Edit செய்து திமுகவின் உதய சூரியன் சின்னத்திற்கு வாக்களிக்குமாறு சொன்னதாக போலியாக உருவாக்கப்பட்ட காணொளியை திமுக ஆதரவாளர்கள் பரப்பி வருகிறார்கள்.
