யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
திமுக நிகழ்ச்சியில் எடுக்கப்பட்ட புகைப்படத்தை Edit செய்து போலியாக உருவாக்கப்பட்ட புகைப்படம் இது.
பரவிய செய்தி
விரிவான விளக்கம்
ஒரு பொது நிகழ்ச்சியின் போது மேடையில், திமுகவின் மேடைப் பேச்சாளரான சிவாஜி கிருஷ்ணமூர்த்தியும், தவெகவிலிருந்து திமுகவில் புதிதாக இணைந்த வைஷ்ணவியும் மாலையுடன் இருக்கும் புகைப்படத்தை சமூக வலைத்தளத்தில் பதிவிட்டு, ‘அவர்கள் இருவரும் காதலித்து வருவதாக’ விஜய் ரசிகரால் பரப்பப்படுகிறது.
காதலுக்கு வயதில்லை ♥️....
வாழ்த்தலாமே பிரண்ட்ஸ்!!! pic.twitter.com/DJ0INtOk4C
உண்மை என்ன?
பரப்பப்படும் புகைப்படத்தை ‘Reverse Image Search’ முறையில் இணையத்தில் தேடியபோது, திமுக தொண்டர் வைஷ்ணவியின் ‘எக்ஸ்’ பக்கத்தில் இந்த புகைப்படத்தைக் காணமுடிந்தது.
கோவை கவுண்டம்பாளையம் சட்டமன்ற தொகுதியில் நடைபெற்ற தமிழ்நாடு தலைகுனியாது என்ற மாபெரும் பொதுக்கூட்டத்தில்...#தமிழ்நாடுபோராடும்தமிழ்நாடுவெல்லும் pic.twitter.com/NkRcs8dfDU
அதில், ’பிப்ரவரி 17ஆம் தேதி திமுகவின் கோவை வடக்கு மாவட்டக் கழகம் மற்றும் கவுண்டம்பாளையம் பகுதிக் கழகம் சார்பாக ’தமிழ்நாடு தலைகுனியாது’ என்ற தலைப்பில் மாபெரும் பொதுக்கூட்டம் நடத்தப்பட்டதாகவும், அதில் கலந்து கொண்ட திமுக மூத்த நிர்வாகிகளுடன் புகைப்படம் எடுத்துக்கொண்டாகவும்’ வைஷ்ணவி குறிப்பிட்டுள்ளார்.
அதில் சிவாஜி கிருஷ்ணமூர்த்தியுடன் எடுத்துக்கொண்ட புகைப்படத்தையும் காணமுடிகிறது. இதில் அவர்கள் மாலை அணிந்திருக்கவில்லை என்பதைக் காணமுடிகிறது.
இதிலிருந்து, திமுக நிகழ்ச்சியின் போது சிவாஜி கிருஷ்ணமூர்த்தியுடன் வைஷ்ணவி எடுத்துக்கொண்ட இந்த புகைப்படத்தை Edit செய்து போலியான புகைப்படத்தை உருவாக்கியுள்ளார்கள் என்பதை தெரிந்துகொள்ள முடிகிறது.
முடிவு:
திமுக நிகழ்ச்சியின் போது சிவாஜி கிருஷ்ணமூர்த்தியுடன் வைஷ்ணவி எடுத்துக்கொண்ட இந்த புகைப்படத்தை போலியாக Edit செய்து அதனை சமூக வலைத்தளத்தில் தவறாக பரப்பி வருகிறார்கள்.
