யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
'புதுச்சேரியில் தம்பி விஜய் பேசியது அரசியல் அறிவின்மையின் வெளிபாடுதான்' என தவெக தலைவர் விஜய் குறித்து புதுச்சேரி முதல்வர் என். ரங்கசாமி எந்த கருத்துகளையும் தெரிவிக்கவில்லை.
பரவிய செய்தி
விஜய்க்கு கண்டனம்: புதுச்சேரியில் தம்பி விஜய் பேசியது அரசியல் அறிவின்மையின் வெளிபாடுதான். அவருக்கு சரியான வழிகாட்டி இல்லை, மேலும் எங்கள் மாநிலத்தை நாங்கள் பார்த்துக்கொள்கிறோம். உங்கள் அரசியல் நாடகத்தை தமிழ்நாட்டோடு வைத்துகொள்ளுங்கள் - புதுச்சேரி முதலமைச்சர் N.ரங்கசாமி
விரிவான விளக்கம்
தவெக தலைவர் விஜய், கரூர் துயரத்துக்கு பின் முதல்முறையாக பொதுவெளியில் புதுச்சேரியில் நடைபெற்ற பொதுக் கூட்டத்தில் சமீபத்தில் பேசினார்.
இந்நிலையில் “புதுச்சேரியில் தம்பி விஜய் பேசியது அரசியல் அறிவின்மையின் வெளிபாடுதான். அவருக்கு சரியான வழிகாட்டி இல்லை. மேலும் எங்கள் மாநிலத்தை நாங்கள் பார்த்துக்கொள்கிறோம். உங்கள் அரசியல் நாடகத்தை தமிழ்நாட்டோடு வைத்துகொள்ளுங்கள்” என்று குறிப்பிட்டு புதுச்சேரி முதலமைச்சர் என்.ரங்கசாமி விமர்சனம் செய்ததாகக் கூறி நியூஸ் கார்டு ஒன்று சமூக ஊடகங்களில் தற்போது வைரலாகப் பரவி வருகிறது.
கரடியே Spit பண்ணிய மொமண்ட் 😃😃😃@TVKVijayHQ
#TVK_Pondy pic.twitter.com/kvOUb31ojN
உண்மை என்ன?
பரவி வரும் செய்திகளில் குறிப்பிட்டுள்ளவாறு புதுச்சேரி முதல்வர் என்.ரங்கசாமி, விஜயின் புதுச்சேரி பொதுக்கூட்டம் தொடர்பாக கூறியுள்ளாரா என்பது குறித்து ஆய்வு செய்ததில், அதுகுறித்த செய்தியாளர்கள் கேள்விக்கு “நன்றி, வணக்கம், வாழ்த்துகள், மகிழ்ச்சி” என்றே கூறியிருந்ததை, “thefederal_india“ ஊடகத்தின் இன்ஸ்டாகிராம் பக்கத்தில் வெளியிட்டிருந்த செய்தியின் மூலம் அறிய முடிந்தது.
#c9c8cd#FFF
; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);">; line-height:0; padding:0 0; text-align:center; text-decoration:none; width:100%;" target="_blank">
இது தவிர அவர் வேறு எந்த கருத்துகளையும் தெரிவிக்கவில்லை. மேலும் விஜயின் பொதுக்கூட்டத்தை அவர் மொபைல் போனில் பார்ப்பது போன்ற வீடியோவும் செய்தி ஊடகங்களில் வெளியிடப்பட்டிருந்தது.
இந்நிலையில் பலரும், “புதுச்சேரியில் தம்பி விஜய் பேசியது அரசியல் அறிவின்மையின் வெளிபாடுதான். அவருக்கு சரியான வழிகாட்டி இல்லை. மேலும் எங்கள் மாநிலத்தை நாங்கள் பார்த்துக்கொள்கிறோம். உங்கள் அரசியல் நாடகத்தை தமிழ்நாட்டோடு வைத்துகொள்ளுங்கள்” என்று குறிப்பிட்டு புதுச்சேரி முதலமைச்சர் N.ரங்கசாமி விமர்சனம் செய்ததாகக் கூறி தவறான செய்திகளைப் பரப்பி வருகின்றனர்.
முடிவு:
நம் தேடலில், தவெக தலைவர் விஜய்யை விமர்சனம் செய்த புதுச்சேரி முதல்வர் என். ரங்கசாமி எனப் பரவும் செய்திகள் போலியானது என்பது உறுதியாகிறது.
