போக்குவரத்து தொழிலாளர்கள் போராட்டம் நடைபெறுகையில் முதல்வர் சிங்கப்பூர் செல்வதாகப் பரவும் பழைய செய்தி !

ஊரே பஸ் ஸ்ரைக்கினால் ஸ்தம்பித்து கிடக்கிறது! எது நடந்தால் எனக்கென்ன என்று இன்ப சுற்றுலா செல்கிறார் பொம்மை முதல்வர் ஸ்டாலின்..

Twitter Link | Archive Link

காலிப் பணியிடங்களை நிரப்ப வேண்டும், பழைய ஓய்வூதியத் திட்டம் தொடர வேண்டும், 15வது ஊதிய ஒப்பந்தத்தை இறுதி செய்ய வேண்டும் உள்ளிட்ட 6 அம்ச கோரிக்கைகளை வலியுறுத்தி அரசு போக்குவரத்து ஊழியர்கள் போராட்டம் செய்து வருகின்றனர். இந்நிலையில் தமிழ்நாடு முதலமைச்சர் மு.க.ஸ்டாலின் நாளை காலை சிங்கப்பூருக்கு பயணம் செய்ய உள்ளார் என்று கூறி, நியூஸ் 18 தமிழ்நாடு ஊடகத்தின் வீடியோ ஒன்று சமூக ஊடகங்களில் வைரலாகப் பரவி வருகிறது.

ஊரே பஸ் ஸ்ரைக்கினால் ஸ்தம்பித்து கிடக்கிறது!

எது நடந்தால் எனக்கென்ன என்று இன்ப சுற்றுலா செல்கிறார்...#பொம்மை_முதல்வர்_ஸ்டாலின் #ADMK_KPM @satyenaiadmk @GowriSankarD_ @Sathish_AIADMK pic.twitter.com/G67AlWBToA

— Charles Pushparaj (@CharlesADMK14) January 9, 2024

ஊரே பஸ் ஸ்ரைக்கினால் ஸ்தம்பித்து கிடக்கிறது!

எது நடந்தால் எனக்கென்ன என்று இன்ப சுற்றுலா செல்கிறார் #பொம்மை_முதல்வர்_ஸ்டாலின் ..#ADMK_TRY#DMKFailsTN @arivalayam @satyenaiadmk@runmanirun pic.twitter.com/3jH9deJ14N

— விக்கி விராலிமலை ✌️ (@009Thala) January 9, 2024

உண்மை என்ன ?

பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் ஆய்வு செய்ததில், இந்த வீடியோ கடந்த 2023 மே 22 அன்று பிற்பகல் 12:03 மணியளவில் News18 Tamil Nadu ஊடகத்தின் தொலைக்காட்சி சேனல் மற்றும் யூடியூப் பக்கத்தில் வெளியிடப்பட்ட செய்தி என்பதை அறிய முடிந்தது.



மேலும் முதலமைச்சர் ஸ்டாலின் சிங்கபூர் பயணம் குறித்து ஏதாவது செய்தி வெளியிட்டுள்ளாரா என்பது குறித்து ஆய்வு செய்ததில், கடந்த 2023-ல் அவர் வெளியிட்டுள்ள செய்திகளை மட்டுமே காண முடிந்தது.

It was a pleasure to meet my long-time friend and Singapore's Minister for Transport and Minister-in-Charge of Trade Relations Thiru S. Iswaran.

We had already met when I had visited Singapore earlier as the Mayor of Chennai and then as the Deputy Chief Minister of Tamil Nadu.… pic.twitter.com/SUKI3KjSCU

— M.K.Stalin (@mkstalin) May 24, 2023

மேற்கொண்டு தேடுகையில், தமிழ்நாடு முதல்வர் ஜனவரி 28ம் தேதி ஸ்பெயின், ஆஸ்திரேலியா மற்றும் அமெரிக்கா உள்ளிட்ட நாடுகளுக்கு பயணம் மேற்கொள்ள இருப்பதாக செய்திகளில் வெளியாகி இருக்கிறது.



மேலும் படிக்க: தமிழ்நாட்டின் பெரிய பேரிடர் மு.க.ஸ்டாலின் என ராஜீவ் காந்தி கூறியதாக சவுக்கு சங்கர் பகிர்ந்த எடிட் செய்த படம்!

மேலும் படிக்க: ஸ்டாலின் சொத்துகளை தேசியமயமாக்க வேண்டும் என சுப்பிரமணியன் சுவாமி கூறியதாகப் பரவும் போலிச் செய்தி !

முடிவு :

நம் தேடலில், போக்குவரத்து தொழிலாளர்கள் போராட்டம் நடைபெறுகையில் முதலமைச்சர் மு.க.ஸ்டாலின் நாளை சிங்கப்பூர் பயணம் எனப் பரவி வரும் செய்திகள் தவறானவை என்பதையும், இது 2023 மே 22 அன்று நியூஸ் 18 தமிழ்நாடு ஊடகத்தால் வெளியிடப்பட்ட பழைய செய்தி என்பதையும் அறிய முடிகிறது.