யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
முதல்வர் மு.க.ஸ்டாலின் பேசியுள்ள முழு வீடியோவில், “எடப்பாடி பழனிசாமியின் அறிவுத்திறனுக்கு சேக்கிழார் எழுதிய கம்பராமாயணம் தொடங்கி பல எடுத்துக்காட்டுக்கள் இருந்தாலும், தற்போது புதிதாக ஒரு எடுத்துக்காட்டு வந்துள்ளது” என்றே பேசியுள்ளார்.
பரவிய செய்தி
விரிவான விளக்கம்
தி.மு.க தலைமையிலான மதச்சார்ப்பற்ற கூட்டணி சார்பில் சட்டமன்ற தேர்தலில் போட்டியிடும் தி.மு.க வேட்பாளர்கள் மற்றும் கூட்டணி கட்சிகளின் வேட்பாளர்களை ஆதரித்து தி.மு.க தலைவரும், முதலமைச்சருமான ஸ்டாலின் தமிழகம் முழுவதும் தேர்தல் பிரசாரம் செய்து வருகிறார். முதல் பிரசாரத்தை அவரது சொந்த ஊரான திருவாரூரில் இருந்து தொடங்கினார்.
அப்போது அங்கு கம்பராமாயணத்தை சேக்கிழார் எழுதியதாக முதலமைச்சர் கூறியதாக வீடியோ கிள்ப் ஒன்றை பரப்பி வருகின்றனர்.
உண்மை என்ன?
முதலில் திருவாரூரில் முதலமைச்சர் பேசிய வீடியோ குறித்து தேடிப் பார்த்தோம். அப்போது Sun News ஊடகத்தில் “எடப்பாடி பழனிசாமியின் அறிவுத்திறனுக்கு புதுசா ஒரு எடுத்துக்காட்டு வந்திருக்கு... - முதலமைச்சர் ஸ்டாலின்” என்று குறிப்பிட்டு, அவர் திருவாரூரில் பேசிய செய்தியை வெளியிட்டுருந்தனர். அதை பார்த்த போது, “எடப்பாடி பழனிசாமியின் அறிவுத்திறனுக்கு சேக்கிழார் எழுதிய கம்பராமாயணம் தொடங்கி பல எடுத்துக்காட்டுக்கள் இருந்தாலும், தற்போது புதிதாக ஒரு எடுத்துக்காட்டு வந்துள்ளது” என்றே பேசியுள்ளார்.
#Watch | “எடப்பாடி பழனிசாமியின் அறிவுத்திறனுக்கு புதுசா ஒரு எடுத்துக்காட்டு வந்திருக்கு...” - முதலமைச்சர் ஸ்டாலின்#SunNews | #CMMKStalin | #TNElections2026 | #EdappadiPalanisamy pic.twitter.com/A4q6pLLe57
இது குறித்து மேலும் பார்த்த போது, தினகரன் ஊடகத்தில் முதலமைச்சர் பேசியது செய்தியாக வெளியாகியிருந்தது. அதில் “பழனிசாமி அவர்களின் அறிவுத்திறத்திற்கு, சேக்கிழார் எழுதிய கம்பராமாயணம் தொடங்கி, பல எடுத்துக்காட்டுகள் இருந்தாலும், இப்போது புதிதாக ஒரு எடுத்துக்காட்டு வந்திருக்கிறது. அவருக்கு எதைப் பற்றியும் புரிதல் கிடையாது, தொலைநோக்கு பார்வையும் இல்லை என்பதை தன்னுடைய உளறல்களால் நிரூபித்துக் கொண்டிருக்கிறார். அவரின் உளறல்களிலேயே ஹைலைட் எது தெரியுமா? எப்படி உங்களின் திட்டங்களை நிறைவேற்றுவீர்கள் என்று கேட்டால், வரியை உயர்த்தி நிறைவேற்றுவோம் என்று சொல்கிறார்.” என்று தான் முதல்வர் கூறியிருக்கிறார்.
முடிவு:
நம் தேடலில், முதல்வர் மு.க.ஸ்டாலின் பேசியுள்ள முழு வீடியோவில், “எடப்பாடி பழனிசாமியின் அறிவுத்திறனுக்கு சேக்கிழார் எழுதிய கம்பராமாயணம் தொடங்கி பல எடுத்துக்காட்டுக்கள் இருந்தாலும், தற்போது புதிதாக ஒரு எடுத்துக்காட்டு வந்துள்ளது” என்றே பேசியுள்ளார். இந்நிலையில் அதிமுக பொதுச் செயலாளர் எடப்பாடி பழனிசாமி குறித்து முதல்வர் பேசியுள்ள வீடியோவின் ஒரு பகுதியை மட்டும் எடிட் செய்து தவறாகப் பரப்பி வருகின்றனர்.
