யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
முதல்வர் மு.க.ஸ்டாலினுக்கு சால்வை அணிவித்து மரியாதை செய்ய வந்த ஒருவரை, பவுன்சர் தடுக்க முயல்கிறார். அப்போது எடுக்கப்பட்ட வீடியோவை திமுக தொண்டரை முதல்வர் அறைந்ததாகக் கூறி தவறாகத் திரித்துப் பரப்புகின்றனர்.
பரவிய செய்தி
When his cheerleaders are talking about equality,
DMK leader Stalin slapped a party worker Today.
விரிவான விளக்கம்
திமுக சார்பில் நடத்தப்பட்ட நிகழ்ச்சி ஒன்றில், அங்கு வந்திருந்த தொண்டரை முதல்வர் மு.க.ஸ்டாலின் அறைந்ததாக வீடியோ ஒன்று வைரலாகி வருகிறது.
When his cheerleaders are talking about equality,
DMK leader Stalin slapped a party worker Today.pic.twitter.com/msYTm41Nco
உண்மை என்ன?
பரவி வரும் வீடியோ குறித்து ஏதேனும் செய்தி வெளியாகியுள்ளதா என்பதை தேடிப் பார்த்தோம். அப்போது இது தொடர்பான எந்த செய்தியும் கிடைக்கவில்லை.
இதையடுத்து பரவி வரும் வீடியோ கூகுள் ரிவர்ஸ் இமேஜ் மூலம் தேடிப் பார்த்தோம். அப்போது டிசம்பர் 20, 2025 அன்று,
Thinakaran Rajamani என்ற எக்ஸ் பக்கத்தில் திருநெல்வேலியில் மறைந்த பாளையங்கோட்டை ஒன்றியத் தலைவர் தங்கபாண்டியனின் உருவப்படத்தை முதலமைச்சர் மு.க. ஸ்டாலின் திறந்து வைத்தார் என்று குறிப்பிடப்பட்டு பரவி வரும் வீடியோ பதிவாகியிருந்தது.
Chief Minister MK Stalin inaugurated portrait of late Palayamkottai union chairman Thangapandian in Tirunelveli pic.twitter.com/u0kJVVcg2c
அந்த வீடியோவை கூர்ந்து கவனிக்கையில், முதல்வர் மு.க.ஸ்டாலினுக்கு சால்வை அணிவித்து மரியாதை செய்ய தொண்டர் ஒருவர் வருகிறார். அப்போது அவரை பவுன்சர் தடுக்க முயலும் காட்சிகள் இடம்பெற்றிருந்தது. இதை திமுக தொண்டரை முதல்வர் மு.க.ஸ்டாலின் அறைந்ததாக தவறான செய்தியை பரப்புகின்றனர்.
முடிவு:
எனவே, முதல்வர் மு.க.ஸ்டாலினுக்கு சால்வை அணிவித்து மரியாதை செய்ய வந்த ஒருவரை, பவுன்சர் தடுக்க முயல்கிறார். அப்போது எடுக்கப்பட்ட வீடியோவை திமுக தொண்டரை முதல்வர் அறைந்ததாகக் கூறி தவறாகத் திரித்துப் பரப்புகின்றனர்.
