யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
பரவி வரும் வீடியோ சீனாவில் எடுக்கப்பட்டது. இதை குஜராத்தில் பாஜக அரசு ஏற்படுத்தி இருக்கும் “Floating Solar Plant” என்று கூறி பலரும் தவறாகப் பரப்புகின்றனர்.
பரவிய செய்தி
வளர்ச்சி நோக்கி குஜராத் மாடல்!! குஜராத்தில் பாஜக அரசு ஏற்ப்படுத்தி இருக்கும் Floating Solar plant...!! வருடம் தோறும் மின் கட்டணத்தை உயர்த்தினால் அது திராவிட மாடல்..!
விரிவான விளக்கம்
வளர்ச்சி பாதையில் குஜராத் மாடல் என்றும், குஜராத்தில் பாஜக அரசு ஏற்படுத்தியிருக்கும் Floating Solar plant என்றும் 19 விநாடி கொண்ட வீடியோ ஒன்று வைரலாகி வருகிறது.
வளர்ச்சி நோக்கி குஜராத் மாடல்!!
குஜராத்தில் பாஜக அரசு ஏற்ப்படுத்தி இருக்கும் Floating Solar plant...!!
வருடம் தோறும் மின் கட்டணத்தை உயர்த்தினால் அது திராவிட மாடல்..! pic.twitter.com/8nlEc1ywBc
உண்மை என்ன?
பரவி வரும் வீடியோவை கூகுள் ரிவர்ஸ் இமேஜ் மூலம் தேடி பார்த்தோம். அப்போது சீன வெளியுறவு அமைச்சக செய்தித் தொடர்பாளர், மாவோ நிங் பேஸ்புக் பக்கத்திற்கு அழைத்து சென்றது. அதில் ஜூலை 3ஆம் தேதி, நகர மின் கட்டமைப்புகள் முதல் கடலோர நீர்நிலைகள் வரை, பசுமையான எதிர்காலத்திற்கு மின்சாரம் வழங்க சீனா சூரியனைப் பயன்படுத்துகிறது என்று குறிப்பிட்டிருந்தார்.
இது குறித்து மேலும் தேடி பார்த்ததில், China Youth Daily ஊடகத்தின் இன்ஸ்டாகிராம் பக்கத்தில் ஜூலை 7ஆம் தேதி இது குறித்து செய்தி வெளியாகியிருந்தது. அதில் சீனா சூரிய தயாரிப்புகளை வழங்கி, உலகளாவிய பசுமை மாற்றத்திற்கு உத்வேகம் அளிப்பதாக குறிப்பிடப்பட்டிருந்தது.
அதே போல் சீன இணையதளப்பக்கமான xoox .co .ilவில், சீனாவில் 80 கி.மீ. தொலைவில் உள்ள சூரிய மின் உற்பத்தி நிலையத்தின் வான்வழி காட்சி, இது குறித்து வீடியோ வெளியிடப்பட்டிருந்தது.
மேலும் maoning_mfa, FacByte போன்ற சமூக ஊடகப்பக்கங்களிலும், பரவி வரும் வீடியோ சீனாவில் எடுக்கப்பட்டது என்று குறிப்பிடப்பட்டிருந்தது.
முடிவு :
நம் ஆய்வில், பரவி வரும் வீடியோ சீனாவில் எடுக்கப்பட்டது உறுதியானது. இதை குஜராத்தில் பாஜக அரசு ஏற்படுத்தி இருக்கும் “Floating Solar Plant” என்று கூறி பலரும் தவறாகப் பரப்புகின்றனர்.
