யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
பரவும் இந்த வீடியோ உண்மையானதல்ல. AI தொழில்நுட்பத்தால் உருவாக்கப்பட்ட வீடியோவை தவறான நோக்கில் பரப்பி வருகின்றனர்.
பரவிய செய்தி
இந்த வீடியோ ஏன் இவ்வளவு வைரலாகிறது ? பெண் இரட்டை குழந்தைகளை பெற்றெடுத்தார், கருப்பு முடி மற்றும் கருமையான தோலைக் கண்டு தந்தை அதிர்ச்சியடைந்தார். அந்தப் பெண் வருட துவக்கத்தில் உத்தரபிரதேசத்திற்கு வந்து சென்றதாக கேள்வி..!!
விரிவான விளக்கம்
வெளிநாட்டில் ஒரு பெண்ணுக்கு கருப்பு நிற முடி மற்றும் கருப்பு நிற தோலுடன் இரட்டை குழந்தைகள் பிறந்ததால் கணவன் அதிர்ச்சியாகி அந்த பெண்ணிடம் கேள்வி கேட்பது போன்று வீடியோ ஒன்று தற்போது சமூக ஊடகங்களில் வைரலாகப் பரவி வருகிறது.
இந்த வீடியோ ஏன் இவ்வளவு வைரலாகிறது..?
பெண் இரட்டை குழந்தைகளை பெற்றெடுத்தார், கருப்பு முடி மற்றும் கருமையான தோலைக் கண்டு தந்தை அதிர்ச்சியடைந்தார்.
அந்தப் பெண் வருட துவக்கத்தில் உத்தரபிரதேசத்திற்கு வந்து சென்றதாக கேள்வி..!!😂 pic.twitter.com/TaCt3jnwzA
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், பரவி வரும் வீடியோ உண்மையானதல்ல என்பதை அறிய முடிந்தது.
“@br_ai_ded” என்ற டிக்டாக் பக்கத்தில் பரவி வரும் வீடியோ அக்டோபர் 31 அன்று பதிவு செய்யப்பட்டிருந்தது. டிக்டாக் செயலி மற்றும் இணையதளத்தை நாம் இங்கு பயன்படுத்த முடியாததால், மற்ற நாடுகளில் இருக்கும் நண்பர்களின் உதவியோடு இந்த பக்கத்தை ஆய்வு செய்து பார்த்தோம். அதில் பரவி வரும் வீடியோ AI தொழில்நுட்பத்தால் உருவாக்கப்பட்டது என்று குறிப்பிடப்பட்டிருந்தது.
மேலும் “@br_ai_ded” என்ற பயனரின் சுயவிவரப்பக்கத்தையும் ஆய்வு செய்ததில், பதிவு செய்யப்படும் வீடியோக்கள் அனைவரின் பொழுது போக்கு நோக்கிற்காக மட்டுமே என்றும் அதில் குறிப்பிட்டிருந்தார்.
பரவி வரும் வீடியோவைப் போன்றே இவர் பல AI தொழில்நுட்பத்தால் உருவாக்கப்பட்ட பல வீடியோக்களை பதிவு செய்துள்ளதையும் காண முடிந்தது.
இதன் மூலம் ‘வெளிநாட்டில் ஒரு பெண்ணுக்கு கருப்பு நிற முடி மற்றும் கருப்பு நிற தோலுடன் இரட்டை குழந்தைகள் பிறந்ததால் கணவன் அதிர்ச்சி’ எனப் பரவும் இந்த வீடியோ உண்மையானதல்ல. AI தொழில்நுட்பத்தால் உருவாக்கப்பட்ட வீடியோவை தவறான நோக்கில் பரப்பி வருகின்றனர் என்பதை அறிய முடிகிறது.
முடிவு:
நம் பக்கத்தில், “வெளிநாட்டில் ஒரு பெண்ணுக்கு கருப்பு நிற முடி மற்றும் கருப்பு நிற தோலுடன் இரட்டை குழந்தைகள் பிறந்ததால் கணவன் அதிர்ச்சி” எனப் பரவும் வீடியோ போலியானது என்பது உறுதியாகிறது.
