மூன்று தலையுடைய அதிசய குரங்கு என்று பரவும் ஏஐ வீடியோ!

மூன்று தலையுடைய அதிசய குரங்கு

Instagram Link | Archived Link

மூன்று தலை கொண்ட குரங்கு ஒன்று சாலையில் சுற்றுத் திரிவது போன்ற வீடியோ ஒன்று வைரலாகி வருகிறது. இதனை அப்பகுதி மக்கள் ஆச்சரியத்துடன் பார்ப்பது போன்ற காட்சிகளும் இடம்பெற்றுள்ளது. 

உண்மை என்ன? 

பரவி வரும் இந்த வீடியோ கூகுள் ரிவர்ஸ் இமேஜ் மூலம் தேடிப் பார்த்தோம். அப்போது Anmol Bohra என்ற பேஸ்புக் பக்கத்திற்கு அழைத்துச் சென்றது. அதில் அக்டோபர் 22 அன்று ”Miracle of God” என்று தலைப்பிட்டு பரவி வரும் வீடியோ பதிவாகியிருந்தது. மேலும் அந்த வீடியோவில்  HIGGSFIELD Al என்ற வாட்டர் மார்க் இருந்ததையும், HIGGSFIELD Al மூலம் இந்த வீடியோ உருவாக்கப்பட்டது என்று hastagல் குறிப்பிட்டுருந்ததையும் பார்க்கமுடிந்தது. 

இதையடுத்து அந்த பேஸ்புக் பக்கத்தை ஆய்வு செய்தி பார்த்தோம். அப்போது Bioவில் தான் ஒரு AI Artist என்று அந்த நபர் குறிப்பிட்டிருந்ததை பார்க்கமுடிந்தது. அதே போல் அந்த பக்கத்தில் AI மூலம் உருவாக்கப்பட்ட பல்வேறு வீடியோக்கள் இருந்ததையும் பார்க்கமுடிந்தது. 

இது AI மூலம் உருவாக்கப்பட்டிருக்குமோ என்பதை உறுதி செய்ய, பரவி வரும் வீடியோவின் screenshotகளை WAS IT AI இணையதளப்பக்கத்தில் பதிவேற்றம் செய்து ஆய்வு செய்தோம். ஆய்வின் முடிவில் இந்த வீடியோ, AI மூலம் உருவாக்கப்பட்டது தான் என்பது உறுதியானது. 

முடிவு: 

எனவே, மூன்று தலையுடைய அதிசய குரங்கு எனப் பரவும் வீடியோ உண்மையானதல்ல. Anmol Bohra என்ற நபரால் AI தொழில்நுட்பம் மூலம் உருவாக்கப்பட்டது.