ஹனுமான் படத்தை வரையும் குரங்கு என்று தவறாகப் பரப்பப்படும் வீடியோ!

ஒரு குரங்கு ஹனுமான் படத்தை வரைகிறது.

Link

சுவர் ஒன்றில் குரங்கு ஒன்று ஹனுமான் படத்தை வரைந்து கொண்டிருக்கிறது. அதனை சுற்றி நின்று மக்கள் வேடிக்கை பார்த்துக்கொண்டிருக்கிறார்கள். இந்த வீடியோவை பதிவிட்டு ‘குரங்கு ஒன்று உண்மையிலே ஹனுமான் படத்தை வரைகிறது’ என்று சமூக வலைத்தளத்தில் பரப்பப்படுகிறது.

बंदर ने बनाई हनुमान जी की तस्वीर! 🐒✨

भारत के एक गांव में एक बंदर ने कोयले से मंदिर की दीवार पर हनुमान जी की आकृति बना दी। लोगों ने इसे चमत्कार माना और इसे दिव्य संकेत बताया। यह अनोखा दृश्य सोशल मीडिया पर वायरल हो गया। pic.twitter.com/25yioQ2GNR

— Voice Of Sanatan (@Ritik_Sanatani) October 10, 2025

உண்மை என்ன:

பரப்பப்படும் இந்த வீடியோவின் keyframe-களைக் கொண்டு இணையத்தில் தேடியபோது, ‘Ajin Joseph’ என்ற இன்ஸ்டாகிராம் பக்கத்தில் இந்த வீடியோவைக் காணமுடிந்தது.

அவரது இன்ஸ்டாகிராம் பக்கத்தை பார்த்தபோது, அதில் அவர் செயற்கை நுண்ணறிவு (AI) தொழில்நுட்பத்தை பயன்படுத்தி காட்சிகளை உருவாக்குவதில் வல்லுநர் என்று குறிப்பிடப்பட்டிருக்கிறது.

மேலும் அவரது இன்ஸ்டாகிராம் பக்கத்தில், விலங்குகளை மையப்படுத்தி செயற்கை நுண்ணறிவு (AI) தொழில்நுட்பத்தால் உருவாக்கப்பட்ட பல வீடியோக்களை காணமுடிந்தது. zomato delivery சீருடை அணிந்த குரங்கு குதிரையில் என்று உணவு விநியோகம் செய்வது, யானை விநாயகர் படத்தை வரைவது போன்ற பல வீடியோக்களை அவரது பக்கத்தில் காணலாம்.

மேற்கூறிய விவரங்களிலிருந்து, குரங்கு ஹனுமானை வரைவது போன்ற வீடியோ செயற்கை நுண்ணறிவு (AI) தொழில்நுட்பத்தால் போலியாக உருவாக்கப்பட்டது என்பது தெளிவாகிறது.

முடிவு:

செயற்கை நுண்ணறிவு (AI) தொழில்நுட்பத்தால் போலியாக உருவாக்கப்பட்ட  வீடியோவை, உண்மையிலே குரங்கு ஒன்று ஹனுமானை வரைவதாக என்று தவறாக பரப்புகிறார்கள்.