யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
மேக வெடிப்புக் காட்சிகள் என்று கூறி பரவும் இந்த வீடியோ AI மற்றும் VFX தொழில்நுட்பத்தால் உருவாக்கப்பட்டது. இந்நிலையில் இதனை உண்மையான சம்பவம் என்று கூறி பலரும் தவறாகப் பரப்பி வருகின்றனர்.
பரவிய செய்தி
விரிவான விளக்கம்
இது தான் மேக வெடிப்பு என்றுக் கூறி 15 விநாடிகள் கொண்ட வீடியோ ஒன்று சமூகவலைதளங்களில் வைரலாகி வருகிறது. அதில் திடீரென மேல இருந்து அருவி போல் தண்ணீர் கொட்டுவது போன்ற காட்சிகள் இடம்பெற்றிருந்தன.
உண்மை என்ன?
பரவி இந்த வீடியோ கூகுள் ரிவர்ஸ் இமேஜ் மூலம் தேடி பார்த்தோம். அப்போது kandha_odysseys_vines என்ற இன்ஸ்டாகிராம் பக்கத்திற்கு அழைத்து சென்றது. அதில் ஆகஸ்ட் 6ஆம் தேதி, Sudden Flood என்று குறிப்பிட்டு பரவி வரும் வீடியோ பதிவாகியிருந்ததை பார்க்கமுடிந்தது. மேலும் அதில் இது AI மூலம் உருவாக்கப்பட்ட வீடியோ என்றும், பொழுதுபோக்கு நோக்கங்களுக்காக உருவாக்கப்பட்டது எனவும் குறிப்பிடப்பட்டிருந்தது.
இதையடுத்து அந்த இன்ஸ்டாகிராம் பக்கத்தை ஆய்வு செய்து பார்த்த போது, AI மூலம் உருவாக்கப்பட்ட பல்வேறு வீடியோக்கள் பதிவாகியிருந்ததை பார்க்கமுடிந்தது. மேலும் அந்த இன்ஸ்டாகிராம் பக்கத்தின் bioவில், reel creator மற்றும் AI/VFX என்று குறிப்பிடப்பட்டிருந்தது.
மேலும் இந்த வீடியோ AI தான் என்பதை உறுதிச் செய்ய, பரவி வரும் வீடியோவை Hive Moderation இணையதளப்பக்கத்தில் பதிவேற்றம் செய்து ஆய்வு செய்தோம். ஆய்வின் முடிவில் இது 97.5% AI தொழில்நுட்பத்தால் தான் உருவாக்கப்பட்டுள்ளது என்பது உறுதியானது.
இதற்கு முன்பும் இதே போன்று ஏஐ புகைப்படங்கள் சமூக ஊடகங்களில் பரவின. அப்போதே இது குறித்து ஆய்வு செய்து நம் பக்கத்தில் கட்டுரைகள் வெளியிட்டுள்ளோம்.
மேலும் படிக்க : ஈரான் தலைநகர் தெஹ்ரானில் அமைந்துள்ள பாரசீக பாலம் என்று பரவும் AI புகைப்படம்!
முடிவு:
எனவே, மேக வெடிப்புக் காட்சிகள் என்று கூறி பரவும் இந்த வீடியோ AI மற்றும் VFX தொழில்நுட்பத்தால் உருவாக்கப்பட்டது. இந்நிலையில் இதனை உண்மையான சம்பவம் என்று கூறி பலரும் தவறாகப் பரப்பி வருகின்றனர்.
