யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
‘பூமியில் தோன்றிய இறக்கை முளைத்த குதிரை’ எனப் பரவும் வீடியோ போலியானது. AI தொழில்நுட்பத்தால் உருவாக்கப்பட்ட வீடியோவை தவறாகப் பரப்பி வருகின்றனர்.
பரவிய செய்தி
விரிவான விளக்கம்
பூமியில் திடீரென்று இறக்கைகளைக் கொண்ட குதிரை தோன்றியுள்ளதாக கூறி காணொளியொன்று சமூக ஊடகங்களில் பரவி வருகிறது.
உண்மை என்ன?
உண்மையில் உலகில் இறக்கைகளுடன் ஒரு குதிரையொன்று தோன்றியிருந்தால் அது குறித்து, ஊடகங்களில் செய்திகள் வெளியாகியிருக்கும். ஆனால் எந்தவொரு உள்நாட்டு மற்றும் சர்வதேச ஊடகங்களிலும் இது குறித்தான செய்திகள் வெளியாகியாகவில்லை.
இதையடுத்து அந்த வீடியோவில் உள்ள குதிரையின் இறக்கைகள் இயற்கையாக உருவானவை போல தோன்றவில்லை. இதனால் இது AI மூலம் உருவாக்கப்பட்டிருக்குமோ என்ற சந்தேகத்தால், பரவி வரும் வீடியோவை Hive Moderation இணையதளப்பக்கத்தில் பதிவேற்றம் செய்து ஆய்வு செய்தோம்.
ஆய்வின் முடிவில் பரவி வரும் வீடியோ, 99.8% இது AI மூலம் உருவாக்கப்பட்ட வீடியோ என்பது உறுதியானது.
இதற்கு முன்பும் இதே போன்று ஏஐ புகைப்படங்கள் சமூக ஊடகங்களில் பரவின. அப்போதே இது குறித்து ஆய்வு செய்து நம் பக்கத்தில் கட்டுரைகள் வெளியிட்டுள்ளோம்.
மேலும் படிக்க : ஈரான் தலைநகர் தெஹ்ரானில் அமைந்துள்ள பாரசீக பாலம் என்று பரவும் AI புகைப்படம்!
கிருஷ்ண ஜெயந்தி அன்று குரங்குகள் உணவு அருந்தியதாக பரவும் AI வீடியோ!
முடிவு :
நம் தேடலில், ‘பூமியில் தோன்றிய இறக்கை முளைத்த குதிரை’ எனப் பரவும் வீடியோ போலியானது. AI தொழில்நுட்பத்தால் உருவாக்கப்பட்ட வீடியோவை தவறாகப் பரப்பி வருகின்றனர்.
