யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
மகாராஷ்ட்ரா மாநிலத்தில் 2013ஆம் ஆண்டில் நடந்த பழைய சம்பவம். DSP கணேஷ் காவ்டே தேசியவாத காங்கிரஸ் கட்சியின் தொண்டரான பிரமோத் மொஹோத் அடித்தபோது எடுக்கப்பட்டது.
பரவிய செய்தி
விரிவான விளக்கம்
சீருடை அணிந்த காவல்துறை அதிகாரிகள் சுற்றிலும் நிற்க, ஒரு வெள்ளைச் சட்டை அணிந்த ஒருவரிடம் அதிகாரி ஒருவர் பேசிக்கொண்டிருக்கிறார். திடீரென அந்த காவல்துறை அதிகாரி அந்த வெள்ளைச் சட்டை அணியிந்த நபரை அடிக்கிறார். 18 நொடிகள் ஓடும் இந்த சிறு வீடியோவை சமூக வலைத்தளத்தில் பதிவிட்டு, ‘இப்படி காவல்துறையிடம் அடிவாங்கும் நபர் திமுக உறுப்பினர் தான்’ என்று நாம் தமிழர் ஆதரவாளரால் பரப்பப்படுகிறது.
உண்மை என்ன?
பரப்பப்படும் வீடியோவின் Keyframe-களைக் கொண்டு இணையத்தில் தேடுகையில், ’NewsX’ என்ற செய்தித்தளத்தில் ஒரு வீடியோவைக் காணமுடிந்தது. 6 ஆண்டுகளுக்கு முன்னதாக பதிவேற்றம் செய்யப்பட்டதாக குறிப்பிடப்பட்டுள்ள அந்த வீடியோவில் ‘மகாராஷ்ட்ரா மாநிலத்தின் சந்திரப்பூர் என்ற பகுதியின் DSP கணேஷ் காவ்டே தேசியவாத காங்கிரஸ் கட்சியின் தொண்டரான பிரமோத் மொஹோத் என்பவரை அடித்தாக’ தெரிவிக்கப்பட்டுள்ளது.
மேலும் தேடியதில், ‘Zee 24 Taas’ என்ற செய்தித்தளத்தில் இதுகுறித்த மற்றொரு வீடியோவைக் காணமுடிந்தது. 2013 டிசம்பர் 22 அன்று பதிவேற்றப்பட்டுள்ள அந்த வீடியோவில், ‘இந்த சம்பவத்திற்காக DSP கணேஷ் காவ்டே பணியிடை நீக்கம் செய்யப்படவேண்டும் என்று தேசியவாத காங்கிரஸ் கோரிக்கை வைப்பதாக’ குறிப்பிடப்பட்டுள்ளது.
இதிலிருந்து இந்த சம்பவம் மகாராஷ்ட்ரா மாநிலத்தில் 2013ஆம் ஆண்டில் நடந்த பழைய சம்பவம் என்பது உறுதியாகிறது.
முடிவு:
மகாராஷ்ட்ராவில் 2013ஆம் ஆண்டு நடந்த பழைய சம்பவத்தின் வீடியோவை தற்போது தமிழ்நாட்டில் போலீஸ் திமுகவைச் சேர்ந்தவரை அடித்ததாக தவறாகப் பரப்புகின்றனர்.
