யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
மார்ச் 28, 2026 அன்று தமிழக வெற்றிக் கழகத்தின் பிரச்சாரத்திற்கு அனுமதி மறுக்கப்பட்டது தொடர்பாக தலைமைத் தேர்தல் அதிகாரியிடம் தவெக தலைவர் விஜய் புகார் அளித்தபோது எடுக்கப்பட்ட பழைய வீடியோ இது. இதைத் தவறாகப் பரப்பி வருகின்றனர்.
பரவிய செய்தி
அன்று கரூரில் தொடங்கி திருச்சி வழியாக ஓடிய ஓட்டம் இன்று சென்னையிலும் தொடர்கிறது. CM UNCLE இப்போ பேசுங்க...?
எங்க ஓடுறிங்க ஒலியுரிங்க? இப்ப நீங்க CM னு யாராவது சொல்லுங்கப்பா ஏ....
விரிவான விளக்கம்
“தலைமை செயலகத்தில் செய்தியாளர்களை சந்திக்காமல் ஓடும் முதல்வர் விஜய்” என்று கூறி வீடியோ ஒன்று சமூக ஊடகங்களில் வைரலாகப் பரவி வருகிறது. வீடியோவில் அமைச்சர் செங்கோட்டையனுடன் முதல்வர் விஜய் பத்திரிக்கையாளர்கள் சூழ்ந்திருக்க விரைந்து நடந்து செல்வதைத் தெளிவாகக் காண முடிகிறது.
#c9c8cd#FFF
; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);">; line-height:0; padding:0 0; text-align:center; text-decoration:none; width:100%;" target="_blank">
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், “Polimer News” ஊடகப் பக்கத்திற்கு நம்மை அழைத்து சென்றது.
கடந்த மார்ச் 28, 2026 அன்று “தலைமைச் செயலகம் வந்த போது கூட்டத்திற்குள் சிக்கிய விஜய்… செங்கோட்டையனின் தோளை பிடித்தபடியே சென்ற விஜய்..! “ என்று குறிப்பிட்டு பரவி வரும் இதே வீடியோ பதிவு செய்யப்பட்டிருந்தது.
இது குறித்து மேலும் தேடியதில், “நியூஸ் தமிழ்” ஊடகப் பக்கத்தில், பரவி வரும் வீடியோவில் உள்ள காட்சிகளைக் குறிப்பிட்டு “சென்னை தலைமை செயலகத்திற்கு சென்றார் தமிழக வெற்றிக் கழகத் தலைவர் விஜய். பிரச்சாரத்திற்கு அனுமதி மறுக்கப்பட்டது தொடர்பாக தமிழக தலைமை தேர்தல் அதிகாரியிடம் புகார்“ என்று செய்தி வெளியிட்டிருந்தனர்.
இதன் மூலம் மார்ச் 28, 2026 அன்று தமிழக வெற்றிக் கழகத்தின் பிரச்சாரத்திற்கு அனுமதி மறுக்கப்பட்டது தொடர்பாக தலைமைத் தேர்தல் அதிகாரியிடம் தவெக தலைவர் விஜய் புகார் அளித்தபோது எடுக்கப்பட்ட பழைய வீடியோ இது. இதைத் தவறாகப் பரப்பி வருகின்றனர் என்பது உறுதியாகிறது.
முடிவு:
நம் தேடலில், “தலைமை செயலகத்தில் செய்தியாளர்களை சந்திக்காமல் ஓடும் முதல்வர் விஜய்” என்று கூறி பரவும் வீடியோ, தற்போது எடுக்கப்பட்டதல்ல, பழைய வீடியோ என்பதை அறிய முடிகிறது.
