ஹிமாலயாவின் ஹலால் கொள்கை எனப் பரவும் தவறானத் தகவல்!

பரவிய செய்தி :

X LINK

இந்தியாவில் விற்கப்படும் ஆசிர்வாத் ஆட்டாவின் பாக்கெட்டுகளில் ஹலால் முத்திரை பதிக்கப்பட்டிருப்பதாகச் செய்திகள் பரவி வந்த நிலையில்,  தற்போது ஹிமாலயா நிறுவனத்தின் பெயரில் ஹிமாலயா பாலிசி  என்ற  தலைப்பில் புகைப்படம் ஒன்று சமூக ஊடகங்களில் பரவி வருகிறது. அதில் ஹலால் கொள்கை என்ற தலைப்பின்கீழ்,  இஸ்லாமியர்கள் ஹலால் பொருட்களை உட்கொள்வதற்கான கடமையை நிறைவேற்ற, எங்கள் தயாரிப்புகள் இஸ்லாமிய சட்டம்  ஷரியா மற்றும் இஸ்லாமிய சட்டத்தின்கீழ் தடை செய்யப்பட்ட பொருட்கள்  எவையும் இல்லாமல் இருக்கும்  எனக் குறிப்பிட்டிருந்தது.

உண்மை என்ன ?

பரவி வரும் புகைப்படத்தைக் கூகுள் ரிவர்ஸ் இமேஜ் செர்ச் மூலம் ஆய்வுசெய்து பார்த்ததில், 2022ஆம் ஆண்டிலிருந்தே சமூக ஊடகங்களில் வைரலாகப் பரவியிருப்பதை பார்க்க முடிந்தது. 

மேலும் ஹிமாலயா நிறுவனத்தின் அதிகாரப்பூர்வ இணையதளப் பக்கங்களில் தேடியதில், Himalaya Wellness Company என்ற எக்ஸ் பக்கத்தில் கடந்த ஆண்டு 2022 ஏப்ரல் 1ஆம் தேதி மறுப்பு தெரிவித்து அறிக்கை ஒன்று வெளியிட்டிருப்பதைப் பார்க்க முடிந்தது.

pic.twitter.com/9iCRhuQUbc

— Himalaya Wellness Company (@HimalayaIndia) April 1, 2022

அந்த அறிக்கையில், ஹிமாலயா வெல்னஸ் நிறுவம் தயாரிக்கும் பொருட்களை 100 நாடுகளுக்கு  மேலாக  ஏற்றுமது மற்றும் இறக்குமதி செய்து வருகிறது.  

இறக்குமதி செய்யும் நாடுகளில் தயாரிக்கப்படும் பொருட்களை ஏற்றுகொள்ள அந்நாடுகளின் சட்டங்கள் மட்டும் விதிமுறைகளை மதிக்க வேண்டும்.  சில நாடுகளில் ஹலால் சான்றுதல் கட்டாயம். எனவே அத்தகைய நாடுகளுக்கு மட்டும்  விதிமுறைகளின்படி ஹலால் சான்றுதல்கள் வழங்கப்படுகின்றது .மேலும், சமூக ஊடகங்களில் பரவிவரும் தகவல் தவறானது என்றும், ஹிமாலயா தயாரிப்புகள் எதிலும் இறைச்சி இல்லை என்பதை உறுதிப்படுத்த விரும்புகிறோம் என்று குறிப்பிட்டு இருந்தது.

மேலும், ஹலால் சான்றுதல் என்பது தயாரிக்கப்படும் பொருட்களில் விலங்கிலிருந்து பெறப்பட்ட இறைச்சி இருப்பதாகக் குறிக்கவில்லை என்றும், இறக்குமதி செய்யப்படும் நாடுகளும் விதிமுறைகளுக்கு ஏற்ப சைவ பொருட்களுக்கும் பொருந்தும் என்று குறிப்பிட்டுள்ளது. 

முடிவு:

நம் தேடலில், ஹலால் கொள்கைப் பற்றிய ஹிமாலய நிறுவனத்தின் பெயரில் பகிரப்படும் தகவல் தவறானது என்பதை அறியமுடிகிறது.