யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
கடந்த 2022 நவம்பர் 11 அன்று திண்டுக்கல் காந்தி கிராம பல்கலைக் கழக விழாவில் கலந்துகொள்ள வந்த பிரதமர் மோடியை முதலமைச்சர் மு.க.ஸ்டாலின் வரவேற்க காத்திருந்த போது எடுக்கப்பட்ட பழைய புகைப்படம் இது.
பரவிய செய்தி
பாஜக தலைவர்களை ரகசியமாக சந்தித்த முதல்வர் மு க ஸ்டாலின். 2026 பாஜக திமுக கூட்டணி உறுதி. இனி காங்கிரசை நம்பி பயனில்லை உஷாரான அறிவாலயம் கும்பல்.
விரிவான விளக்கம்
வருகின்ற சட்டமன்ற தேர்தல் 2026-ல் நடக்கவுள்ள நிலையில், கூட்டணி பேச்சுவார்த்தைக்காக பாஜக தலைவர்களை ரகசியமாக சந்தித்த முதல்வர் ஸ்டாலின் என்று கூறி புகைப்படம் ஒன்று சமூக ஊடகங்களில் வைரலாகப் பரவி வருகிறது.
புகைப்படத்தில், முதல்வர் மு.க.ஸ்டாலினோடு, ஒன்றிய அமைச்சர் எல்.முருகன், பொன்.ராதாகிருஷ்ணன், சி.பி.ராதாகிருஷ்ணன் ஆகியோர் இருப்பதையும் காண முடிகிறது.
திமுக 117
பாஜக 117
மற்ற கூட்டணி கட்சிகளுக்கு கல்தா
இணைகிறதா
பாஜக தலைமையில் திமுக??? pic.twitter.com/NiRzRGwxW6
என்னவாம்...
கள்ள கூட்டணி தானே...
எப்படி போட்டோ வெளியே வந்துச்சு...
நம்பாதீங்க பாய் இது AI போட்டோ pic.twitter.com/WxX0oBKsrp
உண்மை என்ன?
பரவி வரும் புகைப்படத்தை கூகுள் ரிவர்ஸ் இமேஜ் செர்ச் மூலம் ஆய்வு செய்து பார்த்ததில், இது கடந்த 2024-ல் இருந்தே சமூக ஊடகங்களில் பரவி வந்துள்ளதைக் காண முடிந்தது.
துணை முதல்வர் தினேஷ் மனதில் என்ன ஓடியிருக்கும். pic.twitter.com/yr7GwRX9AA
பரவி வரும் புகைப்படம் குறித்து மேலும் ஆய்வு செய்ததில், பாஜக மகளிரணி நிர்வாகி சேலம் நளினி ராமன் தனது எக்ஸ் பக்கத்தில் கடந்த 2022-ல் பதிவிட்ட புகைப்படம் ஒன்று நமக்கு கிடைத்தது. அதில் “நேற்று திண்டுக்கல் நிகழ்ச்சியில் பங்கேற்க வந்த உலகத்தலைவர் மோடி அவர்களை வரவேற்பதற்காக காந்தி கிராம் பல்கலைகழகத்தில் மரியாதைக்குரிய அண்ணார் CPR, PONNAR அவர்களுடன் காத்திருந்த போது” என்று குறிப்பிட்டு பதிவு செய்திருந்தார்.
நேற்று திண்டுக்கல் நிகழ்ச்சியில் பங்கேற்க வந்த உலகத்தலைவர் மோடி அவர்களை வரவேற்பதற்காக காந்தி கிராம் பல்கலைகழகத்தில் மரியாதைக்குரிய அண்ணார் CPR, PONNAR அவர்களுடன் காத்திருந்த போது.......🚩🚩🚩🚩@VanathiBJP pic.twitter.com/VYlx3O5wgS
வைரல் புகைப்படத்தில், பொன்.ராதாகிருஷ்ணன், சி.பி.ராதாகிருஷ்ணன் இருவரும் பச்சை நிறத்திலான அடையாள அட்டை போட்டுள்ளதை காண முடிகிறது. சேலம் நளினி ராமன் பதிவிட்டுள்ள புகைப்படத்திலும் அதே அடையாள அட்டைகளுடனும், அதே ஆடைகளுடனும் பொன்.ராதாகிருஷ்ணன் மற்றும் சி.பி.ராதாகிருஷ்ணன் இருப்பதை உறுதி செய்ய முடிகிறது.
எனவே 2022 நவம்பர் 11 அன்று காந்தி கிராம பல்கலைக் கழக விழாவில் கலந்துகொள்ள பிரதமர் மோடி வந்துள்ளாரா என்பது குறித்து தேடியதில், ANI இது குறித்து செய்தி வெளியிட்டிருந்தது. அதில் முதலமைச்சர் மு.க.ஸ்டாலின் பிரதமரை வரவேற்றதையும், நிகழ்வில் பிரதமர் மோடியுடன் இணைந்து அவர் கலந்துகொண்டதையும் உறுதி செய்ய முடிகிறது.
Prime Minister Narendra Modi was received by Chief Minister MK Stalin upon his arrival in Tamil Nadu today. pic.twitter.com/KtTyZQ9Bj3
மேலும் ANI வெளியிட்டுள்ள புகைப்படத்தையும், வைரல் புகைப்படத்தையும் ஒப்பீடு செய்து பார்த்ததில், முதல்வரின் பின்னால் நின்றிருந்த அவரது உதவியாளர் அணிந்திருந்த பேட்ச் மற்றும் பிரதமரை வரவேற்ற அமைச்சர் ஐ.பெரியசாமி அணிந்திருந்த பேட்ச் ஆகியவை ஒத்து போகின.
இதன் மூலம், கடந்த 2022 நவம்பர் 11 அன்று திண்டுக்கல் காந்தி கிராம பல்கலைக் கழக விழாவில் கலந்துகொள்ள வந்த பிரதமர் மோடியை முதலமைச்சர் மு.க.ஸ்டாலின் வரவேற்க காத்திருந்த போது எடுக்கப்பட்ட பழைய புகைப்படம் இது என்பதையும், இதனை கூட்டணி பேச்சுவார்த்தைக்காக பாஜக தலைவர்களை ரகசியமாக சந்தித்த முதல்வர் ஸ்டாலின் என்று கூறி தற்போது தவறாகப் பரப்பி வருகின்றனர் என்பதையும் அறிய முடிகிறது.
முடிவு:
நம் தேடலில், கூட்டணி பேச்சுவார்த்தைக்காக பாஜக தலைவர்களை ரகசியமாக சந்தித்த முதல்வர் ஸ்டாலின் என்று கூறி பரவும் செய்திகள் தவறானவை என்பது தெளிவாகிறது.
