யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
ஆகஸ்ட் 2, 2027 அன்று முழு சூரிய கிரகணம் நிகழும் என்று கணிக்கப்பட்டுள்ளது. இந்த கிரகணம் ஐரோப்பா, வட ஆபிரிக்கா மற்றும் மத்திய கிழக்கு நாடுகளின் சில பகுதிகளில் தெரியும். இது 6 நிமிடங்கள் 23 வினாடிகள் வரை நீடிக்கும். 1991க்குப் பிறகு பார்க்கக்கூடிய மிக நீண்ட நேர சூரிய கிரகணம் இதுவாகும்.
பரவிய செய்தி
விரிவான விளக்கம்
"2025 ஆகஸ்ட் 2ம் தேதி, 21ம் நூற்றாண்டின் நீளமான சூரிய கிரகணம் நிகழ உள்ளது. 6 நிமிடங்களுக்கும் மேலாக சூரிய ஒளி மறையப் போகும் இந்த அரிய தருணம், இந்தியா, ஐரோப்பா மற்றும் மத்திய கிழக்குப் பகுதிகளில் காணக்கூடியது. பாதுகாப்பான கண்ணாடி அணிந்து இந்த அற்புத நிகழ்வை காணுங்கள்", என்று கூறி சமூகவலைதளங்களில் செய்தி ஒன்று பரவி வருகிறது.
The Whole World Will Go Dark for 6 Minutes on August 2 in a Solar Eclipse That Happens Once in a Century pic.twitter.com/CtFP3mpyLR
உண்மை என்ன ?
பரவி வரும் இந்த செய்தி உண்மையா என்பது குறித்து தேடி பார்த்தோம். அப்போது Economic Times ஊடகத்தில் ஜுலை 29 அன்று, “Solar Eclipse Rumors NASA Clarification: Will the world go dark on August 2, 2025 or 2027? See when will next total solar eclipse happen” என்ற தலைப்பில் செய்தி வெளியாகியிருந்ததை பார்க்கமுடிந்தது. அதில் ஆகஸ்ட் 2, 2025 அன்று முழு சூரிய கிரகணம் ஏற்படும் என்று பரவும் செய்திகளுக்கு நாசா மறுப்பு தெரிவித்துள்ளது. அந்த தேதியில் சூரிய கிரகணம் எதுவும் நிகழாது. மாறாக செப்டம்பர் 21, 2025 அன்று பகுதி சூரிய கிரகணம் நிகழும். இது முழுமையான இருளை ஏற்படுத்தாது என்று குறிப்பிடப்பட்டிருந்தது.
இது குறித்து மேலும் தேடி பார்த்ததில், space. Com என்ற இணையதளப்பக்கத்தில் மே 11, 2024 அன்று, “Total solar eclipse 2027: A complete guide to the 'eclipse of the century'” என்ற தலைப்பில் ஒரு கட்டுரை ஒரு கட்டுரை வெளியிடப்ப்ப்பட்டிருந்தது. அதில் மேலும் ஆகஸ்ட் 2, 2027 அன்று முழு சூரிய கிரகணம் நிகழும் என்று கணிக்கப்பட்டுள்ளது. இந்த கிரகணம் ஐரோப்பா, வட ஆபிரிக்கா மற்றும் மத்திய கிழக்கு நாடுகளின் சில பகுதிகளில் தெரியும். இது 6 நிமிடங்கள் 23 வினாடிகள் வரை நீடிக்கும். 1991க்குப் பிறகு பார்க்கக்கூடிய மிக நீண்ட நேர சூரிய கிரகணம் இது என்று குறிப்பிடப்பட்டிருந்தது.
அதே போல் ஜுலை 24, 2025 அன்று space. Com இணையதளப்பக்கத்தில் வெளியான கட்டுரையிலும், வரும் ஆகஸ்ட் 2ஆம் தேதி சூரிய கிரகணம் நிகழும் என்று பரவும் தகவல் தவறானது என்றும், ஆனால் ஆகஸ்ட் 2, 2027 அன்று முழு சூரிய கிரகணம் நிகழும் என்றும் கூறப்பட்டிருந்தது.
முடிவு:
நம் தேடலில், ஆகஸ்ட் 2, 2027 தேதிக்கு பதிலாக ஆகஸ்ட் 2, 2025 அன்று முழு சூரிய கிரகணம் ஏற்படப்போவதாகக் கூறி பலரும் தவறான செய்திகளைப் பரப்பி வருவது தெரியவந்தது.
