கடலுக்கடியில் ராமர் சேது பாலம் என்று பரவும் AI வீடியோ!

இந்து மதமே இல்லைனு சொல்றவங்க .ராமாயணம் ஒரு கட்டுக்கதைனு சொல்றவங்களுக்கு  இது சமர்ப்பணம்.

X Link | Archive Link

ராமர் சேது பாலம் கடலுக்கு அடியில் இருப்பதைப் பாருங்கள் என்று கூறி 1:09 நிமிடங்கள் கொண்ட வீடியோ ஒன்று சமூக ஊடகங்களில் வைரலாகப் பரவி வருகிறது. 

பரவி வரும் வீடியோவில் ஸ்கூபா டைவிங் (Scuba Diving) செய்யும் சிலர் கடலுக்கு அடியில் சென்று ஒரு பாலத்தைக் காண்பதையும், பாலத்தைப் போன்றே பல வரலாற்றுச் சின்னங்கள் கடலுக்கடியில் இருப்பதையும் காண முடிகிறது. 

உண்மை என்ன? 

பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப்பார்த்ததில், இது உண்மையான வீடியோ அல்ல என்பதை அறிய முடிந்தது. 

“bharathfx1” என்ற இன்ஸ்டாகிராம் பக்கத்தில் தான் பரவி வரும் வீடியோ முதன்முதலில் பதிவிடப்பட்டுள்ளது. மேலும் அப்பதிவில் இது AI தொழில்நுட்பத்தை பயன்படுத்தி உருவாக்கப்பட்ட வீடியோ என்று குறிப்பிட்டு பதிவிடப்பட்டிருந்ததையும் காண முடிகிறது. 

எனவே இது உண்மை தானா என்பதை அறிய, பரவி வரும் வீடியோவை “Hive Moderation” இணையதளப்பக்கத்தில் பதிவேற்றம் செய்து ஆய்வு செய்து பார்த்தோம். ஆய்வின் முடிவில் ராமர் சேது பாலம் என்று பரவி வரும் இந்த வீடியோ AI தொழில்நுட்பத்தை பயன்படுத்தி தான் உருவாக்கப்பட்டுள்ளது என்பதை உறுதிபடுத்த முடிந்தது.

முடிவு: 

நம் தேடலில், கடலுக்கடியில் ராமர் சேது பாலம் என்று கூறி பரவும் வீடியோ போலியானது என்பதை அறிய முடிகிறது.