கேரளாவில் உள்ள அணை எனப் பரவும் தமிழ்நாட்டின் 'அடவிநயினார் அணையின்' காட்சிகள்!

கேரளாவின் உலகத்தரம் வாய்ந்த உள்கட்டமைப்புகள்

X Link | Archive Link

கேரளாவில் உள்ள உலகத்தரம் வாய்ந்த அணை என்று கூறி 20 வினாடிகள் கொண்ட வீடியோ ஒன்று சமூக ஊடகங்களில் வைரலாகப் பரவி வருகிறது. “Go Kerala“ என்ற எக்ஸ் பக்கத்தில் பதிவு செய்யப்பட்டுள்ள வீடியோவில் மிக ரம்மியமான காட்சிகளுடன் அணையில் இருந்து நீர் வருவது போன்ற காட்சிகளையும், அணையைச் சுற்றி மலைகள் அமைந்திருப்பதையும் காண முடிகிறது. 

World class infrastructure of Kerala💚 pic.twitter.com/lxtjCPZc81

— Go Kerala (@Gokerala_) August 1, 2025

உண்மை என்ன? 

பரவி வரும் வீடியோவின் காட்சிகளை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இது கேரளாவில் உள்ள அணை அல்ல என்பதை அறிய முடிந்தது. 

 “fans of tenkasi” ஊடகப் பக்கத்தில் பரவி வரும் வீடியோவில் இருப்பது போன்ற அதே காட்சிகளுடன் வீடியோ ஒன்று பதிவு செய்யப்பட்டிருந்தது. அதில், “தமிழ்நாட்டின் தென்காசி மாவட்டத்தில் வடகரை, மேக்கரை அருகே அனுமநதி ஆற்றின் குறுக்கே கட்டப்பட்டுள்ள அடவிநயினார் அணை, மேற்கு தொடர்ச்சி மலையின் அடிவாரத்திலும் கேரள எல்லையிலும் அமைந்துள்ளது” என்று அதில் குறிப்பிடப்பட்டிருந்தது. 

#FFF

இதே போன்று மற்றொரு யூடியூப் வீடியோவிலும், “அடவிநயினார் அணை” என்று குறிப்பிட்டு பரவி வரும் வீடியோவில் உள்ள அதே காட்சிகள் இடம் பெற்றிருந்தன. 

மேலும் “Google Map” ல் இது குறித்து ஆய்வு செய்ததில், பரவி வரும் வீடியோவில் உள்ள அணை, ‘அடவிநயினார் அணை’ என்பதை உறுதி செய்ய முடிந்தது. 

முடிவு:

நம் தேடலில், பரவி வரும் வீடியோவில் இருப்பது தென்காசி மாவட்டம், செங்கோட்டை வட்டத்தில் அமைந்துள்ள அடவிநயினார் அணை. இந்நிலையில் அடவிநயினார் அணையை கேரளாவில் அமைந்துள்ள அணை என்று கூறி சமூக ஊடகங்களில் தவறாகப் பரப்பி வருகின்றனர் என்பது உறுதியாகிறது.