தமிழ்நாட்டின் அரசியல் தலைவர்களில் அண்ணாமலை முதலிடம் எனப் பரவும் எடிட் செய்தி !

தமிழ்நாட்டில் முதல் மூன்று அரசியல் தலைவர்களில், முதல் இடம் பிடித்த நம் அண்ணாமலை அண்ணன்



Archive link 

தமிழ்நாட்டின் அரசியல் கட்சித் தலைவர்கள் தொடர்பாக மக்கள் மத்தியில் புதியதலைமுறை செய்திச் சேனல் நடத்திய ஆய்வில், " தமிழ்நாட்டின் முதல் 3 தலைவர்களை வரிசைப் படுத்துக " என்ற பிரிவில் பாஜக தலைவர் அண்ணாமலை 13.49% உடன் முதல் இடத்தில் இருப்பதாக நியூஸ் கார்டு ஒன்று சமூக வலைதளங்களில்  பகிரப்பட்டு வருகிறது.

தமிழ்நாட்டில் முதல் மூன்று அரசியல் தலைவர்களில், முதல் இடம் பிடித்த நம் @annamalai_k அண்ணன்.

நாளை நமதே 👍@SanghiPrince @katterumpu @Bhairavinachiya @praveen_0613 pic.twitter.com/RUtCyv5wQX

— Praveen Kumar (@praveen25189) June 5, 2022

தமிழ்நாட்டில் முதல் மூன்று அரசியல் தலைவர்களில், முதல் இடம் பிடித்த நம் அண்ணாமலை அண்ணன். நாளை நமதே✨ pic.twitter.com/Ukrggotafy

— சரவணன் மனோ (@saravananmano05) June 5, 2022

உண்மை என்ன ? 

திமுகவின் ஓராண்டு ஆட்சி சாதனையா, சறுக்கலா என்கிற தலைப்பில் புதியதலைமுறை செய்தி சேனல் நடத்திய கருத்துக்கணிப்பு முடிவுகள் ஜூன் 4-ம் தேதி வெளியாகியது. 20 பகுதிகளை 5 மண்டலமாக பிரித்து ஏப்ரல் 21 முதல் மே 15 வரை கருத்துக் கணிப்பு எடுக்கப்பட்டது.



புதியதலைமுறை கருத்துக்கணிப்பில் ரேங்க் 1 பிரிவில் மு.க.ஸ்டாலின் 49.10% உடன் முதலிடத்தில் இருக்கிறார். ரேங்க் 2 பிரிவில் எடப்பாடி பழனிசாமி 16.69% உடன் முதலிடத்தில் இருக்கிறார். அண்ணாமலை முதலிடத்தில் இருப்பதாக பரவும் ரேங்க் 3 பிரிவில் சீமான் அவர்களே 13.49% உடன் முதலிடத்தில் இருக்கிறார், அண்ணாமலை அல்ல.



Facebook link 

ரேங்க் 3 பிரிவில் தமிழக பாஜக தலைவர் அண்ணாமலை முதலிடத்தில் இருப்பது போன்று பெயர் மற்றும் புகைப்படத்தை எடிட் செய்து பரப்பிக் கொண்டிருக்கிறார்கள்.



இந்த கருத்துக் கணிப்பில் அண்ணாமலை பற்றி பார்க்கையில், முதன்மை தலைவர்கள் வரிசையில் வயது வாரியாக அட்டவணையில் 4வது இடத்தில் அண்ணாமலை இருக்கிறார்.



முடிவு : 

நம் தேடலில், தமிழ்நாட்டில் முதல் மூன்று அரசியல் தலைவர்களில், முதல் இடம் பிடித்த அண்ணாமலை எனப் பரப்பப்படும் புதியதலைமுறை நியூஸ் கார்டு எடிட் செய்யப்பட்டது என அறிய முடிகிறது.