"தி எகனாமிஸ்ட்" வெளியிட்ட கார்டூனை எடிட் செய்து பரப்பும் ஸ்ரீராம் சேஷாத்ரி !

இந்தியாவிற்கான நேரம், பிரதமர் மோடி மீது உலகம் மிகுந்த நம்பிக்கை வைத்துள்ளது - தி எகனாமிஸ்ட்



Archive link 

" தி எகனாமிஸ்ட் " எனும் பத்திரிகை " பிரதமர் மோடி மீது உலகம் மிகுந்த நம்பிக்கை வைத்துள்ளது " என பழைய வாகனங்களுக்கு மேலே பிரதமர் மோடி எலெக்ட்ரிக் வாகனத்தில் பரப்பது போன்ற கார்டூனை வெளியிட்டு இருப்பதாக பாஜக ஆதரவாளர் ஸ்ரீராம் சேஷாத்ரி என்பவர் ட்விட்டர் பக்கத்தில், " நம்ம D Stock கதறல்கள் அதிகமாகுமே, இடது சாரி பத்திரிகை ஆன "The Economist" கூட சங்கி பத்திரிகை ஆனா எங்களுக்கு போக்கிடம் " என பகிர்ந்து இருக்கிறார்.

உண்மை என்ன ? 

ஸ்ரீராம் சேஷாத்ரி என்பவர் பகிர்ந்த கார்டூன் செய்தியை ரிவர்ஸ் இமேஜ் சேர்ச் செய்கையில், " மே 12-ம் தேதி தி எகனாமிஸ்ட் வெளியிட்ட உண்மையான செய்தி கிடைத்தது.

Fate, inher­itance and pragmatic decisions have created a new opportunity in the next decade for India. It is Narendra Modi’s to squander. Our cover this week https://t.co/614niqPJIH pic.twitter.com/7Rcz04U7kh

— The Economist (@TheEconomist) May 12, 2022

Archive link 

தி எகனாமிஸ்ட் பத்திரிகை, " விதி, மரபு மற்றும் நடைமுறை முடிவுகள் இந்தியாவிற்கு வரும் வருடங்களில் ஒரு புதிய வாய்ப்பு உருவாகி உள்ளது. வீண்விரயம் செய்வதா இல்லையா என்பது நரேந்திர மோடியின் கையில் உள்ளது " எனக் கூறி "இந்தியாவிற்கான நேரம், மோடி ஊதி தள்ளுவாரா ? என இடம்பெற்ற கார்டூனை வெளியிட்டு இருக்கிறது.



தி எகனாமிஸ்ட் பிரதமர் மோடி பற்றி "india moment will modi blow it? " என வெளியிட்ட கார்டூனில் " india moment world has great faith in pm modi " என போலியாக எடிட் செய்து தவறான செய்தியை பரப்பிக் கொண்டிருக்கிறார்கள்.

முடிவு : 

நம் தேடலில், தி எகனாமிஸ்ட் எனும் பத்திரிகை பிரதமர் மோடி மீது உலகம் மிகுந்த நம்பிக்கை வைத்துள்ளது என வெளியிட்டதாகப் பரப்பப்படும் செய்தி போலியாக எடிட் செய்யப்பட்டது என அறிய முடிகிறது.