தாஜ்மஹாலை தனியார் ஹோட்டலுக்கு ஒத்திக்கு விடுவதாக பட்ஜெட்டில் அறிவிக்கப்பட்டதா ?

உலக அதிசயங்களில் ஒன்றான தாஜ்மஹால் 99 ஆண்டுகளுக்கு தி பிளாசா என்ற நியூயார்க் ஹோட்டலுக்கு ஒத்திக்கு விடப்படும், சினிமா படப்பிடிப்பு, திருமணங்கள் நடத்தவும் அனுமதி



Twitter link

மத்திய நிதி அமைச்சர் நிர்மலா சீதாராமன் இந்திய அரசின் 2021-22ம் ஆண்டிற்கான நிதிநிலை அறிக்கையை இந்தியா நாடாளுமன்றத்தில் தாக்கல் செய்தார். பொதுத்துறை நிறுவனங்களை தனியார் வசத்திற்கு விற்பனை செய்வதாக இந்த பட்ஜெட் தாக்கல் மீது பல்வேறு விமர்சனங்கள் எழுகிறது.

இந்நிலையில், மத்திய பட்ஜெட்டில் உலக அதிசயங்களில் ஒன்றான தாஜ்மஹால் 99 ஆண்டுகளுக்கு தி பிளாசா என்ற நியூயார்க் ஹோட்டலுக்கு ஒத்திக்கு விடப்படும் என அறிவிப்பு வெளியாகியதாக புதியதலைமுறையின் செய்தி நியூஸ் கார்டு பகிரப்பட்டு வருகிறது.

உண்மை என்ன ? 

மத்திய பட்ஜெட்டில் தாஜ்மஹாலை நியூயார்க் ஹோட்டலுக்கு ஒத்திக்கு விடுவதாக எந்த செய்தியும் ஊடங்களிலும் வெளியாகவில்லை. புதியதலைமுறை செய்தியின் முகநூல் பக்கத்தில் நியூஸ் கார்டுகளை ஆராய்கையில், அப்படி எந்தவொரு நியூஸ் கார்டும் இடம்பெறவில்லை.



Facebook link | Archive link  

மத்திய அரசின் பட்ஜெட் குறித்து நிர்மலா சீதாராமன் புகைப்படத்துடன் வெளியிடப்பட்ட ஒரு  நியூஸ் கார்டில் எடிட் செய்து தாஜ்மஹால் குறித்த தவறான செய்தியை வெளியிட்டு இருக்கிறார்கள்.

முடிவு :

நம் தேடலில், உலக அதிசயங்களில் ஒன்றான தாஜ்மஹால் 99 ஆண்டுகளுக்கு தி பிளாசா என்ற நியூயார்க் ஹோட்டலுக்கு ஒத்திக்கு விடப்படும், சினிமா படப்பிடிப்பு, திருமணங்கள் நடத்தவும் அனுமதி என பரப்பப்படும் நியூஸ் கார்டு எடிட் செய்யப்பட்டது என அறிய முடிகிறது.