சுஷாந்த் சிங்கை கிரிக்கெட் வீரர் என ராகுல் காந்தி கூறினாரா ?

" சுஷாந்த் சிங் ராஜ்புத் காலமானதை கேட்டு நான் வருந்துகிறேன். ஒரு இளம் மற்றும் திறமையான கிரிக்கெட் வீரர், மிக விரைவில் மறைத்துள்ளார். அவரது குடும்பத்தினர், நண்பர்கள் மற்றும் உலகம் முழுவதும் உள்ள ரசிகர்களுக்கு எனது இரங்கல்.

பாலிவுட் நடிகர் சுஷாந்த் சிங் இறப்பிற்கு இந்திய அளவில் இரங்கல்கள் தெரிவிக்கப்பட்டு பதிவுகள் வெளியாகின. அதில், காங்கிரஸ் தலைவர் ராகுல் காந்தி நடிகர் சுஷாந்த் சிங்கை ஒரு நல்ல கிரிக்கெட் வீரர் எனக் குறிப்பிட்டு ட்வீட் செய்துள்ளதாக மேற்காணும் போலியான ட்வீட் இந்திய அளவில் சமூக வலைதளங்களில் வைரல் செய்யப்படுகிறது.

ஜூன் 14-ம் தேதி ராகுல் காந்தியின் அதிகாரப்பூர்வ ட்விட்டர் பக்கத்தில் வெளியான இரங்கல் பதிவில், " சுஷாந்த் சிங் ராஜ்புத் காலமானதை கேட்டு நான் வருந்துகிறேன். ஒரு இளம் மற்றும் திறமையான நடிகர், மிக விரைவில் மறைத்துள்ளார். அவரது குடும்பத்தினர், நண்பர்கள் மற்றும் உலகம் முழுவதும் உள்ள ரசிகர்களுக்கு எனது இரங்கல் " என்றேக் கூறப்பட்டுள்ளது.

I am sorry to hear about the passing of #SushantSinghRajput. A young & talented actor, gone too soon. My condolences to his family, friends & fans across the world.

— Rahul Gandhi (@RahulGandhi) June 14, 2020

Twitter link | archive link 

ராகுல் காந்தி உடைய ட்வீட் பதிவை ஸ்க்ரீன்ஷார்ட் எடுத்து " நடிகர் " எனக் குறிப்பிட்ட இடத்தில் " கிரிக்கெட் வீரர் " என எடிட் செய்தி போலியான ட்வீட் பதிவை அரசியல் உள்நோக்கத்துடன் சிலர் பகிர்ந்து உள்ளனர். அந்த போலி ஸ்க்ரீன்ஷார்ட் ட்வீட் பதிவு இந்திய அளவில் வைரல் செய்யப்பட்டு உள்ளது.