’லைலா - மஜ்னு’ என்று தவறாக பரப்பப்படும் புகைப்படம்!

OMG...இவங்கதான் லைலாவா???

Instagram Link | Archived Link

இவர்கள் தான் லைலா - மஜ்னு என்றும், இவர்கள் தான் உண்மை காதலர்கள் என்றும் புகைப்படம் ஒன்று சமூகவலைதளங்களில் வைரலாகி வருகிறது. 

View this post on Instagram

A post shared by 🌟இல்யாஸ்🌟 🅸🅻🆈🅰🆂ಇಲ್ಯಾಸ್ (@mdi_tamilan)

உண்மை என்ன?

பரவி வரும் இந்த புகைப்படம் குறித்து கூகுள் ரிவர்ஸ் இமேஜ் மூலம் தேடி பார்த்தோம். அப்போது commons. wikimedia .org என்ற பக்கத்தில் பரவி வரும் புகைப்படம் பதிவாகியிருந்ததை பார்க்கமுடிந்தது. இதிலிருக்கும் பெண் புகைப்படம் 19ஆம் நூற்றாண்டின் இறுதில் எடுக்கப்பட்டதாகும். பரவி வரும் புகைப்படத்தில் இருக்கும் பெண் ’Bedouins’ என்று சொல்லக்கூடிய அரேபிய மொழி பேசும் நாடோடி இனத்தை சேர்ந்தவர். இந்த புகைப்படத்தை தான் தற்போது எடிட் செய்து லைலா என்று பரப்புகின்றனர். 

அதே போல் alamy .com என்ற இணையதளப்பக்கத்திலும், "Bust of a Bedouin woman ca. 1898-1914" என்ற தலைப்பில் பரவி வரும் புகைப்படம் இருப்பதை பார்க்கமுடிந்தது. அதில் இந்த புகைப்படம் 1898ஆம் ஆண்டு எடுக்கப்பட்டதாக குறிப்பிடப்பட்டிருந்தது. 

இதையடுத்து லைலா - மஜ்னு குறித்து தேடி பார்த்தோம். அப்போது britannica .com இணையதளப்பக்கத்தில் நிஜாமி கஞ்சாவியின் சுயசரிதை இருந்ததை பார்க்கமுடிந்தது. அதில் 12ஆம் நூற்றாண்டில் வாழ்ந்த ’நிஜாமி கஞ்சாவி’ என்ற பாரசீக கவிஞரால் எழுதப்பட்டது தான் ‘லெய்லா மற்றும் மஜ்னு’-வின் கதை. இந்த கதையில் வரும் கதாபார்த்திரங்கள் அனைத்தும் கற்பனையே என்பதும் தெரியவந்தது. 

முடிவு: 

நம் தேடலில், 12ஆம் நூற்றாண்டில் எழுதப்பட்ட கற்பனை பாத்திரங்களான ’லைலா - மஜ்னு’-வின் புகைப்படம் என்று பொய்யான தகவலை சமூக வலைத்தளத்தில் பரப்பி வருவது தெரியவந்தது.