யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
இவை கடந்த 2023-ல் வெள்ளம் வந்தபோது எடுக்கப்பட்ட பழைய காணொளிகள். இதை தற்போது பரப்பி வருகின்றனர்.
பரவிய செய்தி
Claim 1: ஹே ஹரே ராம் தமிழ்நாடு டெம்பிலேட்
Claim 2: திருச்செந்தூரில் வெள்ளம்
விரிவான விளக்கம்
வங்கக் கடலில் அக்டோபர் 21, காலை 5.30 மணிக்கு உருவான காற்றழுத்த தாழ்வுப் பகுதி வலுப்பெற்று, ஆழ்ந்த காற்றழுத்த தாழ்வுப் பகுதியாக மாறியுள்ளது என்று இந்திய வானிலை ஆய்வு மையம் தெரிவித்துள்ளது. இதனால் தமிழ்நாடு முழுவதும் பல பகுதிகளில் பரவலாக கனமழை பெய்து வருகிறது.
இந்நிலையில் திருச்செந்தூர் மற்றும் சென்னையில் வெள்ளம் ஏற்பட்டுள்ளது என்று கூறி இரண்டு காணொளிகள் சமூக ஊடகங்களில் வைரலாகப் பரவி வருகின்றன.
hey hare ram Tamil Nadu template pic.twitter.com/bMmGbTsiat
உண்மை என்ன?
பரவி வரும் காணொளிகளின் கீஃபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இவை தற்போது எடுக்கப்பட்டவை அல்ல என்பதை அறிய முடிந்தது.
‘Area_friend_s’ இன்ஸ்டாகிராம் பக்கத்தில் பரவி வரும் முதல் வீடியோ கடந்த 2023-ல் எடுக்கப்பட்டது என்று குறிப்பிட்டு பதிவு செய்யப்பட்டுள்ளது.
இதே போன்று, மற்றொரு வீடியோவும் திருநெல்வேலி தாமிரபரணி ஆற்றில் வெள்ளம் என்று குறிப்பிட்டு கடந்த 2023 டிசம்பரில் சமூக ஊடகங்களில் பதிவு செய்யப்பட்டுள்ளது.
#TamilNadu districts.
Here are the few visuals from affected areas #TNfloods #NEM2023 #Tenkasi #Tirunelveli #Thoothukudi pic.twitter.com/kT3Za218b7
இதன் மூலம, கடந்த 2023-ல் தமிழ்நாட்டின் பல்வேறு பகுதிகளில் வெள்ளம் ஏற்பட்ட போது எடுக்கப்பட்ட பழைய காணொளிகளை தற்போது பெய்து வரும் மழையோடு தொடர்புபடுத்தி சிலர் தவறாகப் பரப்பி வருகின்றனர் என்பதை அறிய முடிகிறது.
முடிவு:
நம் தேடலில், பரவி வரும் காணொளிகள் கடந்த 2023-ல் வெள்ளம் வந்தபோது எடுக்கப்பட்டவை. இதனை தற்போது நடைபெற்ற சம்பவங்கள் என்று கூறி பலரும் தவறாகத் திரித்துப் பரப்பி வருகின்றனர் என்பது தெளிவாகிறது.
