யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
கடந்த 2022 செப்டம்பரில் எடுக்கப்பட்ட வீடியோவை, ஈரானில் தற்போது நடைபெற்ற சம்பவம் என்று கூறி தவறாகப் பரப்பி வருகின்றனர்.
பரவிய செய்தி
ஈரானில் ஹிஜாப்புக்கு எதிரான மாபெரும் போராட்டம் வெற்றி. பொதுமக்களின் எதிர்ப்புக்கு அடிபணிந்தது ஈரான் அரசு. பெண்கள் பொது இடங்களில் ஹிஜாப் அணியாமல் நடமாடலாம். அது சட்டவிரோதமல்ல என்று ஈரான் அரசு அறிவிப்பு.
விரிவான விளக்கம்
ஈரானில் பெண்கள் பொது இடங்களில் ஹிஜாப் அணியாமல் இனி நடமாடலாம் என அந்நாட்டு அரசு அறிவித்துள்ளது என்று குறிப்பிட்டு வீடியோ ஒன்று சமூக ஊடகங்களில் வைரலாகப் பரவி வருகிறது. வீடியோவில் பெண்கள் சிலர், தங்கள் ஹிஜாப்பை நெருப்பில் இட்டு கொளுத்துவதைத் தெளிவாகக் காண முடிகிறது.
ஈரானில் ஹிஜாப்புக்கு எதிரான மாபெரும் போராட்டம் வெற்றி
=====
பொதுமக்களின் எதிர்ப்புக்கு அடிபணிந்தது ஈரான் அரசு
=====
பெண்கள் பொது இடங்களில் ஹிஜாப் அணியாமல் நடமாடலாம். அது சட்டவிரோதமல்ல என்று ஈரான் அரசு அறிவிப்பு pic.twitter.com/mhe10HXRul
#c9c8cd#FFF
; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);">; line-height:0; padding:0 0; text-align:center; text-decoration:none; width:100%;" target="_blank">
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், பரவி வரும் வீடியோ கடந்த 2022 ஆம் ஆண்டிலிருந்தே சமூக ஊடகங்களில் வைரலாகப் பரவி வந்துள்ளது என்பதை அறிய முடிந்தது.
Mahsa Amini has become the name of REVOLUTION in Iran.
Iranian women show their anger by cutting their hair and burning their hijab to protest against the killing of Mahsa Amini by police. pic.twitter.com/0S1xUpLfTg
“Sky News” ஊடகப் பக்கத்தில் பரவி வரும் வீடியோவைக் குறிப்பிட்டு “ஈரானிய பெண்கள் ஹிஜாப்களை எரித்தும், தலைமுடியை வெட்டியும் போராட்டத்தில் ஈடுபட்டனர்” என்ற தலைப்பில் கடந்த 2022 செப்டம்பர் 21 அன்று செய்தி வெளியிடப்பட்டிருந்தது.
அதில், “2022 ஆம் ஆண்டு செப்டம்பர் 13 அன்று ஆடை விதிகளை மீறியதாகக் கூறி 22 வயதான மஹ்சா அமினி காவல்துறையினரால் கைது செய்யப்பட்டார். மேலும் மூன்று நாட்களுக்குப் பிறகு தடுப்பு மையத்தில் சரிந்து விழுந்து மருத்துவமனையில் இறந்தார்“ என்றும் குறிப்பிடப்பட்டிருந்தது.
இதே போன்று, “BBC News” யூடியூப் பக்கத்திலும் பரவி வரும் வீடியோவைக் குறிப்பிட்டு, “மஹ்சா அமினி: ஈரானில் ஹிஜாப் எதிர்ப்புப் போராட்டங்களில் பெண்கள் தங்கள் ஹிஜாப்களை எரித்தனர் - பிபிசி செய்தி“ என்ற தலைப்பில் கடந்த 2022-ல் செய்தி வெளியிட்டிருந்தனர்.
இதன் மூலம் கடந்த 2022 செப்டம்பரில் ஹிஜாப் கட்டுப்பாடுகளை மீறியதற்காக கைது செய்யப்பட்ட மஹ்சா அமினியின் மரணத்தைத் தொடர்ந்து, ஹிஜாப் எதிர்ப்பு ஆர்ப்பாட்டங்களில் ஈரானிய பெண்கள் தங்கள் ஹிஜாப்களை எரித்தும், தலை முடியை வெட்டியும் எதிர்ப்பு தெரிவித்தனர். அப்போது எடுக்கப்பட்ட பழைய வீடியோ இது என்பது உறுதியாகிறது.
மேலும் தற்போது ஈரானில் பெண்கள் ஹிஜாப் அணிய தடை செய்யப்பட்டதா என்பது குறித்தும் ஆய்வு செய்தோம். ஆனால் அது குறித்து அதிகாரப்பூர்வமாக அங்கு அந்த அறிவிப்பும் வெளியிடப்படவில்லை என்பதையும் செய்திகளின் மூலம் அறிய முடிகிறது.
முடிவு:
நம் தேடலில், கடந்த 2022 செப்டம்பரில் எடுக்கப்பட்ட வீடியோவை, ஈரானில் தற்போது நடைபெற்ற சம்பவம் என்று கூறி தவறாகப் பரப்பி வருகின்றனர்.
