ரஷ்யா மற்றும் ஜப்பான் நிலநடுக்கத்தோடு தொடர்புபடுத்தப்படும் பழைய வீடியோ!

ரஷ்யா – ஜப்பான் கடல் பகுதிகளை சுனாமி தாக்கியது 

Facebook Link | Archived Link

ரஷ்யாவில் இன்று காலை (ஜூலை 30) 8.7 என்ற ரிக்டர் அளவில் மிகவும் சக்திவாய்ந்த நிலநடுக்கும் ஏற்பட்டுள்ளது. இந்த பயங்கர நிலநடுக்கத்தால் சுனாமி எச்சரிக்கையும் விடுக்கப்பட்டுள்ளது. இந்நிலையில் ரஷ்யா – ஜப்பான் கடல் பகுதிகளை சுனாமி தாக்கியதாக கூறி காணொளி ஒன்று வைரலாகி வருகிறது.

உண்மை என்ன?

பரவி வரும் இந்த வீடியோவை கூகுள் ரிவர்ஸ் இமேஜ் மூலம் தேடிப் பார்த்தோம். அப்போது rk_vicky_balran என்ற இன்ஸ்டாகிராம் பக்கத்தில், heavy rain, viral reels போன்ற hastagகள் பயன்படுத்தி ஜுலை 1, 2025 அன்று இந்த வீடியோ பதிவாகியிருந்ததை பார்க்கமுடிந்தது. 

View this post on Instagram

A post shared by RK Vicky Balran (@rk_vicky_balran)

இது குறித்து மேலும் தேடி பார்த்ததில் ZSTravelVlogOfficial என்ற யூடியூப் பக்கத்திலும் ஜுலை 22ஆம் தேதி இதே வீடியோ பதிவாகியிருந்தது. 

இதை போல் Kashmir News sahil என்ற பேஸ்புக் பக்கத்தில் ஜூலை 24 அன்று இந்த வீடியோ பதிவாகியருந்தது. அதில் குழந்தைகள் தண்ணிரில் விளையாடிக் கொண்டிருந்த போது திடீரென நீர்மட்டம் உயர்ந்தது என்றும், அனைவரும் காப்பாற்றப்பட்டனர் எனவும் குறிப்பிடப்பட்டிருந்தது. 

இதையடுத்து இது குறித்து ஏதேனும் செய்தி வெளியிடப்பட்டுள்ளதா என்பது குறித்து தேடி பார்த்தோம். அப்போது உருது ஊடகமான munsif tv india என்ற ஊடகத்தில் ஜுலை 25 இது குறித்து செய்தி வெளியாகியிருந்தது. உருது மொழியில் இருந்த அந்த செய்தியை மொழிபெயரப்பு செய்து பார்த்தபோது, ரீலஸ் செய்யும் போது கவனமாகவும், பாதுகாப்பாகவும் இருக்கவேண்டும் என்றும், ரீலஸ் எடுக்கும்போது முட்டாள்தனமாக நடந்து கொள்ளாதீர்கள் என்றும் கூறப்பட்டிருந்தது. 

View this post on Instagram

A post shared by Munsif TV India (@munsiftvindia)

முடிவு: 

நம் தேடலில், பரவி வரும் வீடியோ ஜுலை 1 முதலே பல்வேறு சமூகவலைதலப்பக்கங்களில் பகிரப்பட்டு  வருவது தெரியவந்தது. இதை  ரஷ்யா மற்றும் ஜப்பான் பகுதியில் ஏற்பட்ட பயங்கர நிலநடுக்கத்தோடு தொடர்புபடுத்தி தவறாகப் பரப்பி வருகின்றனர்.