'நியூயார்க்கில் ஏற்பட்ட வெள்ளம்' என்று பரவும் பழைய வீடியோ

மழை வெள்ளத்தில் நியூயார்க் | 25 ட்ரில்லியன் பொருளாதாரம் கொண்ட அமெரிக்கா | வாய் மூடி நிற்கும் மேற்குலக ஊடகங்கள் | இந்தியா என்றால் மட்டும் வரிந்து கட்டிக் கொண்டு வருவது வேடிக்கை!.

X Link | Archive Link

சமீபத்தில் அமெரிக்காவின் வடகிழக்கு பகுதியில் கனமழை கொட்டி தீர்த்ததால், நியூயார்க் மற்றும் நியூஜெர்சி பகுதியில் வெள்ளப்பெருக்கு ஏற்பட்டது. மக்களின் இயல்பு வாழ்க்கை பாதிக்கப்பட்ட நிலையில், அங்கு அவசர சிலை அறிவிக்கப்பட்டது. 

இந்நிலையில் “மழை வெள்ளத்தில் நியூயார்க்” என்று கூறி வீடியோ ஒன்று சமூக ஊடகங்களில் வைரலாகப் பரவி வருகிறது. வீடியோவில், சாலையில் வெள்ளநீர் ஓடுவதால் கார்கள் அனைத்தும் மூழ்கி மிதப்பதை தெளிவாகக் காண முடிகிறது. 

X Link

உண்மை என்ன? 

பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், கடந்த 2023-ல் இருந்தே இதே வீடியோ சமூக ஊடகங்களில் வைரலாகப் பரவி வந்துள்ளது என்பதை அறிய முடிந்தது. 

New York City emergency officials have issued a travel advisory as heavy rain and flooding hits https://t.co/E30q97yK2O pic.twitter.com/xw1EgGvXmM

— philip lewis (@Phil_Lewis_) September 29, 2023

“Hashtag” ஊடகப் பக்கத்தில் கடந்த 2023-ல் பரவி வரும் இதே வீடியோவைக் குறிப்பிட்டு, “வடகிழக்கு அமெரிக்காவில் பெய்த திடீர் கனமழையால் நியூயார்க் நகரம், லாங் தீவு மற்றும் ஹட்சன் பள்ளத்தாக்கின் பெரிய பகுதிகளில் திடீர் வெள்ளப்பெருக்கு ஏற்பட்டது, இதனால் ஆளுநர் கேத்தி ஹோச்சுல் மற்றும் நியூயார்க் நகர மேயர் எரிக் ஆடம்ஸ் ஆகியோர் அவசரகால நிலையை அறிவிக்கத் தூண்டினர்” என்று குறிப்பிட்டு செய்தி வெளியிட்டிருந்தனர். 

இதன் மூலம் 2013-ல் எடுக்கப்பட்ட வீடியோவை, பலரும் தவறாகப் பரப்பி வந்துள்ளனர் என்பது உறுதியாகிறது.

முடிவு: 

நம் தேடலில், இது நியூயார்க்கில் கடந்த 2023-ல் வெள்ளம் வந்தபோது எடுக்கப்பட்ட வீடியோ. இந்த பழைய வீடியோவை தற்போது பலரும் தவறாகப் பரப்பி வருகின்றனர் என்பதை அறிய முடிகிறது.