பராசக்தி திரைப்பட விமர்சனம் என்று பரவும் பழைய வீடியோ!

படம் பாக்க வந்த சிகா ரசிகர்களே காரி துப்பராங்க @Siva_Kartikeyan

X Link / Archived Link

பல்வேறு பிரச்சினைகளை தாண்டி, சுதா கொங்கரா இயக்கத்தில், சிவகார்த்திகேயன், ஸ்ரீலீலா, ரவி மோகன், அதர்வா உள்ளிட்டோர் நடித்துள்ள ‘பராசக்தி’ திரைப்படம் ஜனவரி 10 அன்று திரையரங்குகளில் வெளியானது. 

இந்நிலையில் பராசக்தி திரைப்படம் நன்றாக இல்லை என்று சிவகார்த்திகேயன் ரசிகர்கள் தெரிவித்துள்ளதாக கூறி review வீடியோ ஒன்று வைரலாகி வருகிறது. 

படம் பாக்க வந்த சிகா ரசிகர்களே காரி துப்பராங்க😆🤣🤣 @Siva_Kartikeyan#ParasakthiDisaster pic.twitter.com/bgws6Oj11c

— Ꮮᴇɢᴇɴᴅᵀⱽᴷ (@LegenD_AK_tweet) January 10, 2026

உண்மை என்ன? 

பரவி வரும் வீடியோவில் Bingo Box யூடியூப் பக்கத்தின் லோகோ இருந்ததை பார்க்கமுடிந்தது. அதை வைத்து கொண்டு Bingo Box யூடியூப் பக்கத்தில், பராசக்தி review வீடியோவை தேடிப் பார்த்தோம். அப்போது ”Parasakthi Public Review” என்று குறிப்பிட்டு ஒரு வீடியோ வெளியாகியிருந்தது. அந்த வீடியோவை முழுவதுமாக பார்த்தால் அதற்கும், பரவி வரும் வீடியோவுக்கும் எந்த தொடர்புமில்லை என்பது தெரியவந்தது. 

இதையடுத்து பரவி வரும் வீடியோ குறித்து அதே யூடியூப் பக்கத்தில் தேடிப் பார்த்தோம். அப்போது ”Prince Public Review” என்று குறிப்பிட்டு அக்டோபர் 21, 2022 அன்று அந்த வீடியோ பதிவாகியிருந்தது. 9.05 நிமிடங்கள் கொண்ட அந்த வீடியோவில், சரியாக 45 விநாடியில் பரவி வரும் காட்சிகள் இடம்பெற்றிருந்ததை பார்க்கமுடிந்தது. 

முடிவு: 

நம் தேடலில், கடந்த 2022-ல் நடிகர் சிவகார்த்திகேயன் நடித்த “Prince” திரைப்படம் வெளிவந்தபோது எடுக்கப்பட்ட பழைய வீடியோ இது. இதை தற்போது வெளியாகியுள்ள பராசக்தி திரைப்படத்துடன் தொடர்புபடுத்தி தவறாகப் பரப்புகின்றனர்.