யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
இந்த வீடியோ உண்மையில் 2024 ஜனவரி மாதம் ஜப்பானில் வடக்கு நோட்டோ என்ற தீபகற்பத்தில் நிலநடுக்கம் ஏற்பட்ட போது எடுக்கப்பட்டது
பரவிய செய்தி
ஜப்பானின் இவாட் மாகாணத்தில் 7.4 ரிக்டர் அளவில் சக்திவாய்ந்த நிலநடுக்கம்; சுனாமி எச்சரிக்கை
விரிவான விளக்கம்
கடந்த ஏப்ரல் 20ஆம் தேதி வடக்கு ஜப்பானில் சக்தி வாய்ந்த நிலநடுக்கம் ஏற்பட்டது. இதனால் ஜப்பானில் வடக்கு கடற்கரை அருகில் உள்ள 182 நகரங்களில் வாழும் மக்கள் எச்சரிக்கையுடன் இருக்குமாறு அந்நாட்டு அரசு அறிவுறுத்தியிருந்தது.
இது குறித்து ஏப்ரல் 20ஆம் தேதி ’News 18 தமிழ்நாடு’ செய்தி ஊடகம் செய்தி வெளியிட்டிருந்தது. அதில் சாலைகள், தெருவில் உள்ள கட்டிடங்கள், மின் கம்பங்கள் ஆகிய நிலநடுக்கத்தால் ஆடும் வீடியோ ஒன்றையும் வெளியிட்டிருந்தது.
#WATCH | ஜப்பானின் இவாட் மாகாணத்தில் 7.4 ரிக்டர் அளவில் சக்திவாய்ந்த நிலநடுக்கம்; சுனாமி எச்சரிக்கை
👉 WATCH LIVE TV - https://t.co/TCsOveCuy4#japan #earthquake #TsunamiAlert #News18TamilNadu pic.twitter.com/P8dQnPb0fX
உண்மை என்ன?
பரப்பப்படும் இந்த வீடியோவின் Keyframe-களைக் கொண்டு தேடுகையில், ’THE LEGION CLUB’ என்ற இன்ஸ்டாகிராம் பக்கத்தில் 2025 டிசம்பர் மாதமே இந்த வீடியோ பதிவிடப்பட்டிருப்பதைக் காணமுடிந்தது. 2025 டிசம்பர் மாதம் ஜப்பானில் 7.6 ரிக்டர் அளவில் ஏற்பட்ட நிலநடுக்கத்தின் போது இந்த வீடியோ எடுக்கப்பட்டதாக அதில் குறிப்பிடப்பட்டிருந்தது.
மேலும் தேடுகையில், ‘MBS News’ என்ற யூட்யூப் தளத்தில் 2024 பிப்ரவரி மாதம் வெளியிடப்பட்டிருந்த ஒரு வீடியோவில் இந்த காட்சியைக் காணமுடிந்தது. அதில் ஜப்பானின் நோட்டோ என்ற தீபகற்பத்தில் நிலநடுக்கம் ஏற்பட்ட போது இந்த வீடியோ எடுக்கப்பட்டதாக குறிப்பிடப்பட்டுள்ளது.
能登半島地震発生時
私と旦那はコンビニまで買い出しに行く途中でした。
自宅には3人の子どもとじぃばぁのみ。
すぐに自宅に引き返し大津波警報が出たので
全員を車にのせ高台に避難しました。
本当に生きた心地がしなかったです。#能登半島地震 #ドラレコ映像 pic.twitter.com/dDcyJJW0q1
மேலும், 2024ஆம் ஆண்டு ஜனவரி மாதம் ’எக்ஸ்’ பக்கத்தில், இந்த வீடியோ காட்சி பதிவிடப்பட்டிருப்பதைக் காணமுடிந்தது. அதிலும் நோட்டோ என்ற தீபகற்பத்தில் நிலநடுக்கம் ஏற்பட்ட போது எடுக்கப்பட்ட வீடியோ என்று குறிப்பிடப்பட்டுள்ளது.
செய்திகளில் இது குறித்து தேடிய போது, ‘NASA’-வின் அதிகாரப்பூர்வ தளத்தில் 2024 ஜனவரி 1ஆம் தேதி ஜப்பானின் வடக்கு நோட்டோ தீபகற்பத்தில் நிலநடுக்கம் ஏற்பட்டதாகவும், அதன் பாதிப்பு சுசு, நோட்டோ, வாஜிமா, அனாமிசு ஆகிய நகரங்களில் உணரப்பட்டதாகவும் குறிப்பிடப்பட்டுள்ளது.
மேற்கூறிய விவரங்களிலிருந்து, இந்த வீடியோ உண்மையில் 2024 ஜனவரி மாதம் ஜப்பானில் நிலநடுக்கம் ஏற்பட்ட போது எடுக்கப்பட்டது என்பதும், அதற்கடுத்து ஒவ்வொரு முறை ஜப்பானில் நிலநடுக்கம் ஏற்படும் போதும் இந்த வீடியோ பரப்பப்பட்டிருக்கிறது என்பதும் தெரிய வருகிறது.
முடிவு:
2024 ஜனவரி மாதம் ஜப்பானில் நிலநடுக்கம் ஏற்பட்ட போது எடுக்கப்பட்ட பழைய வீடியோவை, தற்போது ஏற்பட்ட நிலநடுக்கம் குறித்து வெளியிட்ட செய்தியில் பயன்படுத்தி தவறான செய்தியை வெளியிட்டிருக்கிறது ’News 18 தமிழ்நாடு’ ஊடகம்.
