டைம் இதழ் மோடியையும், ஹிட்லரையும் ஒப்பிட்டு அட்டைப் படம் வெளியிட்டதா ?

பிரபல பத்திரிகையான டைம் இதழின் இந்தியப் பிரதமர் நரேந்திர மோடியையும், ஹிட்லரையும் இணைத்து " The Return of  History. How modi shattered india's dreams " எனும் வாசகத்துடன் அட்டைப் படத்தை வெளியிட்டதாக இப்படம் சமூக வலைதளங்களில் வைரலாகி வருகிறது.



Archive link 

#ModiShamesIndia pic.twitter.com/orZROfuLPM

— KaMaRaJ DHaNaPaL (@DK11834494) June 17, 2022

உண்மை என்ன ? 

டைம் பத்திரிகையின் இணையதளத்தில் உள்ள பெட்டகத்தில் 2022-ம் ஆண்டில் பிரதமர் மோடி புகைப்படத்துடன் எந்தவொரு அட்டைப் படமும் வெளியாகவில்லை.

2019-ம் ஆண்டு இந்தியாவின் நாடாளுமன்ற தேர்தலின் போது, " India's Divider in chief " எனும் வாசகத்துடன் கூடிய அட்டைப் படம் ஒன்றை டைம் ட்விட்டரில் பதிவிட்டு இருந்துள்ளது.

TIME’s new international cover: Can the world’s largest democracy endure another five years of a Modi government? https://t.co/oIbmacH9MS pic.twitter.com/IqJFeEaaNW

— TIME (@TIME) May 9, 2019

Twitter link 

2022 பிப்ரவரி 26-ம் தேதி உக்ரைனைச் சேர்ந்த கிராபிக் டிசைனர் பட்ரிக் முல்டேர் என்பவர், டைம் இதழில் ரஷ்ய அதிபர் புதினையும், ஹிட்லரையும் இணைத்து எப்படி அட்டைப் படத்தை வெளியிட்டேன் என எடிட் செய்ததை ட்விட்டரில் பதிவிட்டு இருக்கிறார்.

How I made the cover. pic.twitter.com/LFZVOAhNMo

— Patrick Mulder 🏴󠁧󠁢󠁷󠁬󠁳󠁿🇺🇦 (@MrPatrickMulder) February 26, 2022

Twitter link 

டைம் இதழில் புதின் மற்றும் ஹிட்லர் படத்தை வைத்து எடிட் செய்தது போன்று பிரதமர் மோடி மற்றும் ஹிட்லர் படத்தை வைத்து எடிட் செய்து இந்தியாவில் பரப்பிக் கொண்டிருக்கிறார்கள்.

முடிவு : 

நம் தேடலில், டைம் பத்திரிகையில் பிரதமர் நரேந்திர மோடியும், ஹிட்லர் படமும் இணைக்கப்பட்டு அட்டைப் படம் வெளியாகி உள்ளதாக பரவும் படம் எடிட் செய்யப்பட்டது என அறிய முடிகிறது.