மகிழ்ச்சியில் நடனமாடும் ஈரான் பெண் எனப் பரவும் தவறான வீடியோ!

இந்த ஈரான் பெண்ணின் நடனம் ஆயிரம் விஷயங்களை சொல்கிறது. இனி ஈரானில் முல்லாக்களின் கொடூரமான ஆட்சி முடிவுக்கு வருகிறது என்ற மகிழ்ச்சியில் நடனம் ஆடும் பெண்..

X Link | Archive Link

இஸ்ரேல், ஈரான் இடையே பல ஆண்டுகளாக மோதல்போக்கு நிலவி வருகிறது. இதனிடையே, கடந்த 13-ந்தேதி ஈரானில் உள்ள அணு ஆராய்ச்சி மையங்கள், ஏவுகணை சேமிப்பு கிடங்குகள் உள்பட பல்வேறு இடங்களை குறிவைத்து இஸ்ரேல் தாக்குதல் நடத்தியது.

ஈரான் அணு ஆயுதங்கள் தயாரிப்பதை தடுக்கவே இந்த தாக்குதல் நடத்தப்பட்டதாக இஸ்ரேல் தெரிவித்த நிலையில், இந்த தாக்குதலுக்கு பதிலடியாக இஸ்ரேல் மீது ஈரானும் பதில் தாக்குதல் நடத்தி வருகிறது. 

இரு நாட்டிலும் இந்த தாக்குதல் ஏழாவது நாளாக இன்றும் தொடர்ந்து வரும் சூழலில், “ஈரான் நாட்டைச் சேர்ந்த இந்தப் பெண் சுதந்திரம் கிடைத்துவிட்டது என மகிழ்ச்சியில் நடனம் ஆடுவதைப் பாருங்கள்” என்று கூறி வீடியோ ஒன்று சமூக ஊடகங்களில் வைரலாகப் பரவி வருகிறது. 

மேலும் அந்தப் பதிவுகளில், “இனி ஈரானில் முல்லாக்களின் கொடூரமான ஆட்சி முடிவுக்கு வருகிறது என்ற மகிழ்ச்சியில் தான் இந்தப் பெண் நடனம் ஆடுகிறார்” என்றும் குறிப்பிடப்பட்டுள்ளது.

एक ईरानी महिला ने इस्लामी शासन को संदेश भेजा;

हम पूरे दिल से आपकी कब्र पर नाचेंगे.. अब हमारे पास भविष्य के लिए खुशी और उम्मीद है,

ईरान के बच्चों और महिलाओं के हत्यारे गिरेंगे, इस्लामी शासन नष्ट हो जाएगा.!!👇 pic.twitter.com/iuyfP5EVO3

— 𝘼𝙗𝙝𝙞𝙧𝙖𝙟 🦅 (@ABHIRAJ11M) June 17, 2025

An Iranian woman sends a message to the Islamic regime:

“We will dance on your grave with all our hearts. We now have joy and hope for the future.

The murderers of Iran’s children and women will fall. The Islamic regime will perish!”

உண்மை என்ன? 

பரவி வரும் வீடியோவை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இது கடந்த 2023-ல் இருந்தே சமூக ஊடகங்களில் பரவி வந்துள்ளது என்பதை அறிய முடிந்தது. எனவே பரவி வரும் வீடியோ தற்போது நடைபெற்று வரும் இஸ்ரேல் - ஈரான் போரோடு தொடர்புடையது அல்ல என்பது உறுதியானது.

#FFF

மேலும் இது குறித்து தேடியதில், வீடியோவில் இருப்பவர் பெயர் தம்தா சபேலாஷ்விலி என்பதை அறிந்தோம். அவருடைய இன்ஸ்டாகிராம் பக்கத்தில் “தான் ஒரு ஜார்ஜியன், ஈரான் நாட்டைச் சேர்ந்தவள் அல்ல. தற்போது நடைபெற்று வரும் இஸ்ரேல்-ஈரான் போருக்கும் எனக்கும் எந்த தொடர்பு இல்லை. எனவே எனது வீடியோவை தவறாகப் பகிர வேண்டாம்” என்று பரவி வரும் வீடியோவைக் குறிப்பிட்டு இன்று (ஜூன் 19) பதிவு செய்துள்ளதையும் காண முடிகிறது.

#FFF

இதன் மூலம் பரவி வரும் வீடியோவிற்கும், இஸ்ரேல்-ஈரான் போருக்கும் எந்த தொடர்பும் இல்லை என்பது உறுதியாகிறது.

முடிவு: 

நம் தேடலில், “ஈரான் நாட்டைச் சேர்ந்த இந்தப் பெண் சுதந்திரம் கிடைத்துவிட்டது என மகிழ்ச்சியில் நடனம் ஆடுவதைப் பாருங்கள்” என்று கூறி பரவி வரும் இந்த வீடியோ கடந்த 2023-ல் இருந்தே சமூக ஊடகங்களில் வைரலாகப் பரவி வந்துள்ளது. பரவி வரும் வீடியோவிற்கும், இஸ்ரேல்-ஈரான் போருக்கும் எந்த தொடர்பும் இல்லை என்பதை அறிய முடிகிறது.