அமைச்சர் வேலுமணி குடோனில் பணக் குவியல் எரிந்ததாக வதந்தி!

நேற்று தமிழக அமைச்சர் வேலுமணி அவர்கள் குடோனில் ஏற்பட்ட தீ விபத்து ! சேதாரம் சிறுசு தான். இந்த வீடியோவை  பார்த்த உடன் 10 பேருக்கு அனுப்பவும்.



 

 

தமிழக அமைச்சர் வேலுமணிக்கு சொந்தமான குடோன் ஒன்றில் ஏற்பட்ட தீ விபத்தில் பணக் குவியல் தீயில் எரிந்ததாக வாட்ஸ் ஆஃப் பார்வர்டுகள் அதிகம் பகிரப்பட்டன. அவையே ஃபேஸ்புக் உள்ளிடவையிலும் பதிவிடப்பட்டு ஆயிரக்கணக்கான ஷேர்,பார்வைகளை கடந்து செல்கிறது.



தமிழகம் மட்டுமின்றி இந்தியா முழுவதிலும் இதே வீடியோவை தமிழக அரசியல்வாதி ஒருவரின் குடோனில் ஏற்பட்ட தீ விபத்து எனக் கூறி அதிகளவில் வைரலாக்கி வருகின்றனர்.

தீயில் எரிந்த பணக் குவியல் வீடியோவை பார்த்த பலரும் அது இந்திய ரூபாய் அல்ல, வெளிநாட்டு பணம் என கமெண்ட்களில் பதிவிட்டு வருகிறனர். இருப்பினும், இந்த வீடியோ அதிவேகமாக பரவிக் கொண்டே செல்கிறது.

வீடியோவில் 2000ரூபாய் போன்று நோட்டு கட்டுகள் இருந்தாலும், அவை யாவும் இந்தியா ரூபாய் நோட்டுகள் அல்ல. வெளிநாட்டு பணத்திற்கும், இந்திய பணத்திற்கும் வித்தியாசம் தெரியாமல் பகிர்ந்து வருகின்றனர்.



மறுபுறம், இது உண்மையில் நடந்த தீ விபத்தில் நிகழ்ந்தவையா ? எனவும் தோன்றுகிறது. இதே படங்களை 2018 பிப்ரவரியில் Alejandro Monge Art என்ற இன்ஸ்டாகிராம் பக்கத்தில் பதிவிட்டு உள்ளனர்.



அதில், பணக் குவியல் போன்று கலை வடிவமைப்பை உருவாக்குவதும், அவை எரிந்தது போன்றும்  புகைப்படங்கள் எடுத்து பகிர்ந்து உள்ளனர்.

தேர்தல் நேரத்தில் அரசியல் சார்ந்த வதந்திகள், பொருந்தாத செய்திகள் அதிகம் வலம் வருவதால், செய்திகளை பகிர்வதில் கவனம் செலுத்த வேண்டும்.