யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
கடந்த 2022ஆம் ஆண்டிலிருந்தே பல்வேறு இடங்களில் இந்த நிகழ்வு நடைபெற்றதாகக் குறிப்பிட்டு செய்தி வெளியிடப்பட்டுள்ளது. இந்நிலையில் பழைய வீடியோவை, கன்னியாகுமரி மாவட்டம் நாகர்கோவில் அருகே சாலையை கடந்து சென்ற ராட்சத மலைப்பாம்பு எனக் குறிப்பிட்டு புதிய தலைமுறை, பாலிமர் மற்றும் நியூஸ் 18 தமிழ்நாடு ஊடகங்கள் செய்தி வெளியிட்டுள்ளனர்.
பரவிய செய்தி
கன்னியாகுமரி மாவட்டம் நாகர்கோவில் அருகே சாலையை கடந்து சென்ற ராட்சத மலைப்பாம்பு
விரிவான விளக்கம்
கன்னியாகுமரி மாவட்டம் நாகர்கோவில் அருகே சாலையை கடந்து சென்ற ராட்சத மலைப்பாம்பு எனக் குறிப்பிட்டு புதிய தலைமுறை, பாலிமர் மற்றும் நியூஸ் 18 தமிழ்நாடு ஊடகங்கள் செய்தி வெளியிட்டுள்ளனர்.
🔸ɪʀʀᴇᴘʟᴀᴄᴇᴀᴅʙʟᴇ @annamalai_k 𝐉𝐢
🔹#𝐄𝐗_𝐈𝐏𝐒_𝐀𝐍𝐍𝐀𝐌𝐀𝐋𝐀𝐈_𝐉𝐈 ⭐🔹#எண்_மண்_என்_மக்கள் 🦁 ✨
நள்ளிரவில் திடீரென சாலையில் தோன்றி வாகன ஓட்டிகளை அச்சத்தில் ஆழ்த்திய இராட்சத மலைப்பாம்பு‼️
𝗔 𝗴𝗶𝗴𝗮𝗻𝘁𝗶𝗰 𝗿𝗼𝗰𝗸 𝗽𝘆𝘁𝗵𝗼𝗻 𝘀𝘂𝗱𝗱𝗲𝗻𝗹𝘆… pic.twitter.com/CFIvJXFhvI
உண்மை என்ன?
ஊடகங்களில் பரவி வரும் இந்த செய்தி குறித்து கூகுள் ரிவர்ஸ் இமேஜ் மூலம் தேடிப் பார்த்தோம். அப்போது கடந்த மார்ச் 05, 2022 அன்று முன்னாள் ஐஎஃப்எஸ் அதிகாரியான Susanta Nanda இந்த வீடியோவைத் தனது X பக்கத்தில் வெளியிட்டிருந்ததை பார்க்கமுடிந்தது. ஆனால், இது எந்த இடத்தில் எடுக்கப்பட்டது என்று அவர் விளக்கமளித்திருக்கவில்லை.
Wild always have the right of way. Please give them safe passage🙏🙏 pic.twitter.com/WHWdjOBjhU
இது குறித்து மேலும் தேடிய போது, ETV Bharat செய்தி ஊடகத்தில் "Watch a 12 feet long python crossing road in Karnataka's Karwar" என்ற தலைப்பபில் பரவி வரும் வீடியோ குறித்து மார்ச் 06, 2022 அன்று செய்தி வெளியாகியிருந்தது. அதில் கர்நாடகாவின் உத்தர கன்னட மாவட்டம், கார்வார் நகருக்கு அருகிலுள்ள ஹனகோனா கிராமத்தில் 12 அடி நீளமுள்ள மலைப்பாம்பு ஒன்று காணப்பட்டது என்று குறிப்பிடப்பட்டிருந்தது.
மேலும் Times of India ஊடகப்பக்கத்தில், "This snake's video has gone viral on social media, but it's not an ‘anaconda’" என்ற தலைப்பில் மார்ச் 20, 2022 அன்று செய்தி வெளியாகியிருந்தது. அதில் கேரளாவின் வயநாடு மாவட்டத்தில் மலைப் பாம்பு ஒன்று சாலையைக் கடக்கும் வீடியோ சமூக ஊடகங்களில் பரவி வருகிறது என்று குறிப்பிடப்பட்டிருந்தது.
முடிவு:
எனவே, கடந்த 2022ஆம் ஆண்டிலிருந்தே பல்வேறு இடங்களில் இந்த நிகழ்வு நடைபெற்றது என்பதாக இவ்வீடியோ பரவி வந்தாலும், உண்மையான நிகழ்விடம் தெரியவில்லை. குறிப்பிட்ட பழைய வீடியோவே தற்போது கன்னியாகுமரியில் சாலையைக் கடந்த மலைப்பாம்பு என்று ஊடகங்கள் தவறான செய்தி பரப்புகின்றனர்.
