யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
தொட்டபெட்டா சாலையில் சிறுத்தைகள் உலா வருவதாக பரவும் இமாச்சல பிரதேச வீடியோ!
பரவிய செய்தி
விரிவான விளக்கம்
தொட்டபெட்டா சாலையில் தனது தாயுடன் நான்கு குட்டிப்புலிகள் உலா வருவதாக சமூக வலைத்தளப்பக்கங்களில் வீடியோ ஒன்று பரவி வருகின்றது.
உண்மை என்ன?
பரவி வரும் வீடியோ குறித்து ஆய்வு செய்து பார்த்ததில் இந்த வீடியோ தொட்டபெட்டாவில் எடுக்கப்பட்டதல்ல என்பதை அறியமுடிந்தது.
இமாச்சலப் பிரதேசத்தின் மண்டி மாவட்டத்தில் உள்ள பரோட் சாலையில் இரவு ரோந்துப் பணியில் ஈடுபட்டிருந்த வனத்துறை அதிகாரி சிவம் ரத்னா மற்றும் அவரது குழுவினர் ஒரு பெண் சிறுத்தை மற்றும் அதன் நான்கு குட்டிகளுடன் சாலையை கடந்து செல்வதை பார்த்து தங்களது செல்போனில் படம் பிடித்துள்ளதாக பரவி வரும் வீடியோவைக் குறிப்பிட்டு ZeeNews இணையதளப்பக்கத்தில் செப்டம்பர் 7, 2024 செய்தி ஒன்று வெளியிட்டிருப்பதை பார்க்க முடிந்தது.
இதே தகவலைத்தான் monalexpress என்ற இணையதளப்பக்கத்திலும் செப்டம்பர் 30, 2024 பதிவு செய்திருப்பதை கவனிக்க முடிந்தது.
மேற்கொண்டு தேடியதில், Bhaskar என்ற இந்தி இணையதளப்பக்கத்தில் "மண்டியில் குட்டிகளுடன் சுற்றித்திரியும் பெண் சிறுத்தை" என்ற தலைப்பில் வீடியோவுடன் செய்தி வெளியிட்டிருப்பதை அறியமுடிந்தது.
மேற்கண்ட ஆதாரங்களை வைத்து பார்க்கையில் இவை ஊட்டி தொட்டபெட்டாவில் நடந்தது அல்ல என்பது தெளிவாகிறது.
முடிவு :
நம் தேடலில், ஊட்டி தொட்டபெட்டா சாலையில் சிறுத்தைகள் நடமாடுவதாக பரவும் தகவல் தவறானது. உண்மையில் இவை இமாச்சல் பிரதேசம் பரோட் சாலையில் சிறுத்தைகள் நடமாடிய கட்சிகள்.
