அமெரிக்க அதிபரின் மேசையில் பெரியார் சிலையா? உண்மை என்ன?

அமெரிக்க அதிபர் டிரம்ப் மேஜயில் பெரியார் கதருங்க டா சங்கீஸ்...

X Link

அமெரிக்க அதிபர் டொனால்ட் டிரம்ப் தனது அலுவலகத்தில் உள்ள மேசையில் பெரியாரின் சிலையை வைத்திருப்பதாக சமூக வலைத்தளங்களில் பரப்பப்படுகிறது.

அமெரிக்க அதிபர் டிரம்ப் மேஜயில் பெரியார் 🔥🔥 கதருங்க டா சங்கீஸ்... pic.twitter.com/6rT136vHK6

— Kulavi 🫡 (@AttomLegend) May 23, 2025

உண்மை என்ன?

பரப்பப்படும் புகைப்படத்தை ’Reverse Image Search’ மூலம் இணையத்தில்  தேடியதில், ‘Daily Mail Sport’ என்ற யூடியூப் தளத்தில் ‘Shorts’ வீடியோ ஒன்றைக் காணமுடிந்தது. ‘ஆலிவர் ரியக்ஸ்’ என்ற கூடைப்பந்து வீரர் அதிபர் டிரம்பை அவரது அலுவலத்தில் சந்தித்தபோது எடுக்கப்பட்ட அந்த வீடியோ கடந்த மே 22 அன்று பதிவேற்றப்பட்டுள்ளது.

இந்த வீடியோவில் டிரம்ப் மேசையில் ஒரு சிற்பம் இருப்பதைக் காண்கிறோம். ஆனால், அது ’பெரியார்’-ன்சிற்பம் அல்ல. அந்த சிற்பத்தின் புகைப்படத்தை ’Reverse Image Search’ முறையில் தேடியபோது, ‘Harvard Art Museums’ தளத்தில் அதனைப் பற்றிய குறிப்புகளைக் காணமுடிந்தது. அதில், இந்த சிற்பம் அமெரிக்க மேதை ‘பெஞ்சமின் பிராங்க்ளின்’-ன் சிற்பம் என்று குறிப்பிடிருந்தது. இவர், சுதந்திர அமெரிக்காவின் நிறுவனத் தலைவர்களில் (Founding Fathers of America) ஒருவர் என்பது குறிப்பிடத்தக்கது.

இதிலிருந்து, அமெரிக்க அதிபர் டிரம்ப்-ன் மேசையில் காணப்பட்டது ‘பெஞ்சமின் பிராங்க்ளின்’-ன் சிற்பம் என்பது உறுதியாகிறது.

முடிவு:

அமெரிக்க அதிபர் டொனால்ட் டிரம்ப்-ன் மேசையில்  இருக்கும் ‘பெஞ்சமின் பிராங்க்ளின்’-ன் சிற்பத்தை பகடியாக ’பெரியார்’-ன் சிற்பம் என்று பரப்புகிறார்கள்.