யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
இந்த வீடியோ கோவை ரோடு ஷோவின் போது தவெக தலைவர் விஜய் மீது தொப்பி வீசப்பட்ட சம்பவத்தின் போது எடுக்கப்பட்டது.
பரவிய செய்தி
விரிவான விளக்கம்
கடந்த ஏப்ரல் 27ஆம் தேதியன்று கோவை ஆர்.எஸ்.புரத்தில் அமையவுள்ள உலகத்தரம் வாய்ந்த ஹாக்கி மைதானத்திற்கு அடிக்கல் நாட்டும் விழாவில் பங்கேற்க சென்றார் துணை முதல்வர் உதயநிதி. அப்போது அவர் ரோடு ஷோ போன்று பிரச்சார வாகனத்தில் நின்றபடி சென்றார்.
இந்நிலையில், கோவையில் தொண்டர்கள் சூழ ரோடு ஷோ சென்ற போது, உதயநிதி ஸ்டாலினை அவமதிக்கும் விதமாக அவர் மீது யாரோ பொருளை வீசியதாக சமூக வலைத்தளத்தில் பாஜகவினரால் பரப்பப்படுகிறது.
கோவையில் துணை முதல்வருக்கு கிடைத்த மரியாதை 🤣😂🤣 pic.twitter.com/IT2gHpkI1Z
கோவையில் துணை முதல்வருக்கு கிடைத்த மரியாதை 🤣🤣🤣 pic.twitter.com/OErPTxWx0t
உண்மை என்ன?
பரப்பப்படும் வீடியோவின் keyframe-களைக் கொண்டு தேடுகையில், ’News 18 தமிழ்நாடு’ செய்தித் தொலைக்காட்சியின் சமூக வலைத்தளப் பக்கத்தில் இதுகுறித்த செய்தி ஒன்றைக் காணமுடிந்தது.
அதன் படி, ‘கடந்த ஏப்ரல் 26ஆம் தேதி தவெக தலைவர் விஜய் வாக்குச்சாவடி முகவர்கள் கூட்டத்திற்காக கோவை வருகை தந்தார். அப்போது தொண்டர் சூழ பிரச்சார வானத்தில் ரோடு ஷோ சென்றபோது தொண்டர்கள் விஜய் மீது கட்சி துண்டுகளை வீசி வரவேற்ப்பளித்தனர். அப்போது யாரோ ஒருவர் விஜயை நோக்கி தொப்பியை (Cap) வீசியதாக’ தெரியவருகிறது.
மேலும் தேடியதில், ‘Galatta Tamil’ யூட்யூப் தளத்தில் ‘கோவையில் நடந்த Road Show-வில் விஜய் மீது வீசப்பட்ட மர்ம பொருள்’ என்ற தலைப்பில் ஒரு செய்தியைக் காணமுடிகிறது. ‘ரோடு ஷோ’வில் விஜய் மீது தொப்பி வீசப்பட்டது அந்த வீடியோவில் தெளிவாக பதிவாகியுள்ளது.
மேற்கூறிய ஆதாரங்களிலிருந்து, இந்த வீடியோ கோவை ரோடு ஷோவில் விஜய் மீது தொப்பி வீசப்பட்ட சம்பவம் என்பது நிரூபணமாகிறது.
முடிவு:
கோவை ரோடு ஷோவில் விஜய் மீது தொப்பி வீசப்பட்ட வீடியோவை பதிவிட்டு, உதயநிதி ஸ்டாலினை அவமதிக்கும் விதமாக பொருள் வீசப்பட்டதாக பாஜகவினரால் தவறாக பரப்புகிறார்கள்.
