யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
மக்கள் மத்தியில் நிலவி வரும் மூடநம்பிக்கைகளை ஒழிக்கவேண்டும் என்ற பிரச்சார நோக்கத்துடன் நடத்தப்பட்ட பேரணியின் போது எடுக்கப்பட்ட வீடியோ இது.
பரவிய செய்தி
விரிவான விளக்கம்
கருப்பு உடையணிந்த பெண்கள் அலகு குத்திக்கொண்டு பெரியாரின் புகைப்படத்துடன் ஊர்வலம் செல்லும் 17 நொடிகள் வீடியோவை பதிவிட்டு, ‘சந்தி சிரிக்கும் சுயமரியாதை வீதி உலா’ என்ற தலைப்பில் ‘Gem Televisión’ என்ற யூடியூப் தளம் செய்தி வெளியிட்டுள்ளது. அதாவது, பகுத்தறிவு பேசும் பெரியாரிய சிந்தனையாளர்களே இவ்வாறு மூடநம்பிக்கைகளை கடைபிடிக்கிறார்கள் என்ற தொனியில் இந்த செய்தி வெளியிடப்பட்டுள்ளது.
உண்மை என்ன?
பரப்பப்படும் வீடியோவின் keyframe-களைக் கொண்டு தேடுகையில், ‘திராவிடர் விடுதலைக் கழகம்’ இயக்கத்தின் பேஸ்புக் பக்கத்தில் இந்த வீடியோவைக் காணமுடிந்தது.
‘பெண்களே தலைமை ஏற்று நடத்திய நாத்திகர் விழா ! மூடநம்பிக்கை ஒழிப்புப் பேரணி !’ என்ற தலைப்புடன் இந்த வீடியோ பதிவேற்றம் செய்யப்பட்டிருக்கிறது.
மேலும் தேடியதில், திராவிடர் விடுதலை கழகத்தின் சார்பாக சேலத்தில் நடத்தப்பட்ட இந்த மூடநம்பிக்கை ஒழிப்பு பேரணி மற்றும் பொதுக்கூட்டத்திற்கு அனுமதி வழங்கி சென்னை உயர் நீதிமன்றம் உத்தரவிட்டுள்ளது குறித்த செய்தியையும் காணமுடிகிறது.
இவ்வாறு, மக்கள் மத்தியில் நிலவி வரும் மூடநம்பிக்கைகளை ஒழிக்கவேண்டும் என்ற பிரச்சார நோக்கத்துடன் ‘திராவிடர் விடுதலைக் கழகம்’ இயக்கத்தின் சார்பாக ‘மூடநம்பிக்கை ஒழிப்புப் பேரணி’ நடத்தப்பட்ட போது எடுக்கப்பட்ட வீடியோ இது.
முடிவு:
மூடநம்பிக்கைகளை ஒழிக்கவேண்டும் என்ற பிரச்சார நோக்கத்துடன் ‘திராவிடர் விடுதலைக் கழகம்’ நடத்திய ‘மூடநம்பிக்கை ஒழிப்புப் பேரணி’யில் எடுக்கப்பட்ட வீடியோவை திரித்து பெரியாரிய சிந்தனையாளர்களே மூட நம்பிக்கைகளை கடைபிடிக்கிறார்கள் என்ற தொனியில் செய்தியாக வெளியிட்டிருக்கிறார்கள்.
