யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
55.5% சதவீதத்துடன் நடிகர் பிரதீப் ரங்கநாதன் முதலிடம் எனப் பரவும் நியூஸ் கார்டு போலியானது. தந்தி டிவியின் உண்மையான டிஜிட்டல் சர்வே முடிவில் நடிகர் சிவகார்த்திகேயனே முதலிடத்தில் உள்ளார்.
பரவிய செய்தி
அடுத்த தலைமுறை தமிழ் சினிமா ஹீரோக்களில் அதிக எதிர்பார்ப்பை தருபவர்கள் யார்? – தந்தி TV டிஜிட்டல் சர்வே.
பிரதீப் ரங்கநாதன் – 55.5%; சிவகார்த்திகேயன் – 22.1%; துருவ் விக்ரம் – 16.5%; அஷோக் செல்வன் – 5.8%;
விரிவான விளக்கம்
“அடுத்த தலைமுறை தமிழ் சினிமா ஹீரோக்களில் அதிக எதிர்பார்ப்பை தருபவர்கள் யார்?” என்ற தந்தி டிவியின் டிஜிட்டல் சர்வே முடிவில், “55.5% சதவீதத்துடன் நடிகர் பிரதீப் ரங்கநாதன் முதலிடம், இதில் சிவகார்த்திகேயன் – 22.1%; துருவ் விக்ரம் – 16.5%; அஷோக் செல்வன் – 5.8%” என்று குறிப்பிட்டு தந்தி டிவி ஊடகத்தின் நியூஸ் கார்டு ஒன்று சமூக ஊடகங்களில் வைரலாகப் பரவி வருகிறது.
#EXCLUSIVE : Thanthi TV Digital Survey on the Most Promising Next-Generation Tamil Cinema Heroes✌💥
1. @pradeeponelife – 55.5%
2. @Siva_Kartikeyan – 22.1%
3. @DhruvVikram5 – 16.5%
4. @AshokSelvan – 5.8%
Pradeep anna leading🥵🥵🥵#Dude #Parasakthi #Bison pic.twitter.com/804h9W06NZ
#EXCLUSIVE : Thanthi TV Digital Survey on the Most Promising Next-Generation Tamil Cinema Heroes✌✌💥
1. Pradeep ranganathan – 55.5%
2. Sivakarthikeyan – 22.1%
3. Dhruv Vikram – 16.5%
4. Ashok Selvan – 5.8%#Dude #Parasakthi #Bison pic.twitter.com/WcGkteZFm5
உண்மை என்ன?
பரவி வரும் நியூஸ் கார்டு குறித்து ஆய்வு செய்ததில், இது உண்மையான நியூஸ் கார்டு அல்ல என்பதை அறிய முடிந்தது.
நவம்பர் 16 அன்று ‘தந்தி டிவி’ ஊடகம் இது குறித்து வெளியிட்டுள்ள செய்தியில், 55.5% சதவீதத்துடன் நடிகர் சிவகார்த்திகேயனே முதலிடத்தில் உள்ளார். அதைத் தொடர்ந்தே பிரதீப் ரங்கநாதன் 22.1% சதவீதத்துடன் இரண்டாவது இடத்திலும், அசோக் செல்வன் 5.8 சதவீதத்துடனும், துருவ விக்ரம் 5.8 சதவீதத்துடனும் முறையே அடுத்தடுத்த இடங்களில் உள்ளனர்.
Full Video Link : https://t.co/AZwQc3a4Ug
#ThanthiTvDigitalSurvey #tamilcinema #Sivakarthikeyan #ashokselvan #DhruvVikram #ThanthiTV pic.twitter.com/FKDoL0hSA1
தந்தி டிவி நடத்திய டிஜிட்டல் சர்வே முடிவு
தமிழ் சினிமாவின் அடுத்த தலைமுறை ஹீரோக்களில் யார் நம்பிக்கை தருகிறார்கள்?
மேலும் இதே போன்று, "தமிழ் சினிமா இசையில் தற்போது யார் ஆட்சி நடக்கிறது?" என்று குறிப்பிட்டு தமிழ் சினிமாவின் மற்ற துறைகள் குறித்தும் தந்தி டிவி சர்வே முடிவுகளை வெளியிட்டுள்ளது குறிப்பிடத்தக்கது.
தந்தி டிவி நடத்திய டிஜிட்டல் சர்வே முடிவு
#Thanthitvdigitalsurvey #Trendingmusicdirector #kollywoodmusician #ThanthiTV #Anirudh #GVPrakashkumar #SaiAbhyankkar #Santhoshnarayanan pic.twitter.com/xxVoIJMPyx
தமிழ் சினிமா இசையில் தற்போது யார் ஆட்சி நடக்கிறது
இந்நிலையில் "அடுத்த தலைமுறை தமிழ் சினிமா ஹீரோக்களில் அதிக எதிர்பார்ப்பை தருபவர்கள் யார்?” என்ற தலைப்பில் வெளியிடப்பட்ட தந்தி டிவி ஊடகத்தின் உண்மையான நியூஸ் கார்டை எடிட் செய்து, பலரும் சமூக ஊடகங்களில் தவறாகப் பரப்பி வருகின்றனர்.
முடிவு:
நம் தேடலில், ‘தமிழ் சினிமாவின் அடுத்த தலைமுறை ஹீரோக்களில் யார் நம்பிக்கை தருகிறார்கள்’ என்ற தந்தி டிவியின் டிஜிட்டல் சர்வே முடிவில், 55.5% சதவீதத்துடன் நடிகர் பிரதீப் ரங்கநாதன் முதலிடம் எனப் பரவும் நியூஸ் கார்டு போலியானது என்பதை அறிய முடிகிறது.
