ஹெலிகாப்டர், ட்ரக் மோதிக்கொள்ளும் வைரல் வீடியோ| எங்கு நிகழ்ந்தது ?

பஞ்சாப் அமிர்தசரஸில் ஹெலிகாப்டர் மற்றும் ட்ரக் மோதி விபத்து



Facebook link | archive link 1 | archive 2

பஞ்சாப் மாநிலத்தில் உள்ள அமிர்தசரஸில் சாலையின் அருகே ஓடிக்கொண்டிருக்கும் ஹெலிகாப்டர் றெக்கைகளில் ட்ரக் வாகனம் மோதி விபத்துக்குள்ளானதாக இந்திய அளவில் சமூக வலைதளங்களில் இவ்வீடியோ வைரலாகி வருகிறது. வைரலாகும் வீடியோ எங்கு நிகழ்ந்தது எனத் தேடிப் பார்க்க தீர்மானித்தோம்.





உண்மை என்ன ?

வைரலாக வீடியோவின் லிங்கை வைத்து Fake news debunker by InVID &Weverify மூலம் கீஃப்ரேம்களை எடுத்து ரிவர்ஸ் இமேஜ் சேர்ச் செய்கையில் 2020 ஜனவரி 25-ம் தேதியே இவ்வீடியோ தமிழ் உள்ளிட்ட பிற மொழிகளில் சமூக வலைதளத்தில் வைரலாகி இருந்துள்ளது. ஆனால், அப்பதிவுகளில் இந்தியாவில் நிகழ்ந்ததாக குறிப்பிடவில்லை.

சோனமுத்தா போச்சா... 🤣🤣🤣 pic.twitter.com/N7hwGUuqbu

— ஆஹான்!! 😉 (@Kadhar_Twitz) January 26, 2020

Twitter link | archive link

மேற்கொண்டு தேடுகையில், 2020 ஜனவரி 21-ம் தேதி டெய்லி மெயில் இணையதளத்தில், பிரேசில் நாட்டின் ரியோ ப்ரான்க்கோ நகரில் சாலையில் இருந்த ஹெலிகாப்டருடன் மருத்துவ கழிவுகளுடன் சென்றுக் கொண்டிருந்த ட்ரக் மோதியதில் ஹெலிகாப்டரில் இருந்த 2 பேருக்கு காயம் ஏற்பட்டுள்ளதாக வீடியோ உடன் வெளியாகி இருக்கிறது.



ஜனவரி 19-ம் தேதி RC Channel எனும் யூடியூப் சேனலில் ஹெலிகாப்டர், ட்ரக் விபத்தின் 1.46 நிமிட வீடியோ வெளியாகி இருக்கிறது. பிரேசிலில் நிகழ்ந்த விபத்தை இந்தியாவின் பஞ்சாப் பகுதியில் நிகழ்ந்ததாக கிண்டல், கேலியுடன் தவறாக வைரல் செய்து வருகிறார்கள்.