பனை மரம் பறக்கிறதா ?

பனை மரம் ஆகாயத்தில் பறக்கிறது.

பனை மரமானது சிறிது உயரத்தில் மேலே பறப்பது போன்ற வீடியோ பதிவுகள் வளைகுடா நாடுகளில் அதிகம் வைரலாகியவை. சமீபத்தில் அதே வீடியோ இங்கும் வைரலாகிக் கொண்டு இருக்கிறது. அதைப் பற்றிய கேள்விகளும் எழுகிறது.



“ Flying palm tree “ என கூகுளில் டைப் செய்தால் பனை மரம் பறக்கும் வீடியோவையும், படங்களையும் காண முடிகிறது. அதில், ஆங்கிலத்திலும், அரபி மொழியிலும் குறிப்பிட்டு இந்த வீடியோ அதிகம் இருக்கும்.

எனினும், பனை மரம் தொடர்பான வீடியோவின் முதல் பதிவு எந்த நாட்டில், யார் பதிவிட்டது என்ற விவரங்கள் சரியாக தெரியவில்லை. ஆகையால், பனை மரம் பறந்த சம்பவம் ஓமன், ஈராக், அல்ஜீரியா, தென் ஆப்ரிக்கா என பல நாடுகளைக் குறிப்பிட்டு அங்கு நடந்ததாகக் கூறி வருகின்றனர்.



எங்கு நடந்தால் என்ன ? பனை மரம் எவ்வாறு பறக்கும் என்ற கேள்வி தானே முக்கியம் !. அதற்கான விடையைக் கொடுப்போம்.



பனை மரமானது பறப்பதில் மாயமும் இல்லை, மந்திரமும் இல்லை. வீடியோவில் மரத்திற்கு மேல் பகுதியை முழுவதுமாக காண்பிக்கவே இல்லை.



பனை மரம் பறக்கும் வீடியோவின் முதல் சில நொடிகளை உற்றுப் பார்த்தாலே உங்களுக்கு எவ்வாறு இது சாத்தியம் என புரிந்து இருக்கும். கருப்பு நிறத்தில் கயிற்றினைக் கட்டி மேலே தூக்கி வைத்து இருப்பதன் மூலம் மரம் உயரத்தில் பறப்பது போன்று வீடியோ எடுக்கப்பட்டுள்ளது.



பனை மரத்தை ஒரு பகுதியில் இருந்து அகற்ற மேல் பகுதியில் கயிற்றைக் கற்றி தூக்கிச் செல்லும் பிற புகைப்படங்கள், வீடியோக்களை இணையத்தில் பார்க்கலாம்.