மதன் கெளரி பாகிஸ்தான் நாட்டிற்கு சென்று எடுத்த வீடியோ எனப் பரவும் தவறான செய்தி!

URBAN NAXAL MADAN GOWRI! 5 வருடம் முன்பு பாகிஸ்தான் சென்று அங்கே இருக்கும் இந்துக்கள் Safe எனவும் தீவிரவாத தாக்குதல்களை Whitewash செய்த முதல் யூடியூபர் தான் இந்த கேடுகெட்ட மதன் கெளரி . இன்று பஹல்காம் குறித்து இன்னும் பேசாமல் உள்ளான் இந்த பொறுக்கி!

 X Link | Archive Link

யூடியூபர் மதன் கெளரி பாகிஸ்தான் நாட்டிற்கு சென்று அங்குள்ள இந்துக்கள் பாதுகாப்பாக உள்ளதாக வீடியோ எடுத்துள்ளதாகக் கூறி வீடியோ ஒன்று சமூக ஊடகங்களில் வைரலாகப் பரவி வருகிறது. 

பரவி வரும் அப்பதிவில் “5 வருடம் முன்பு பாகிஸ்தான் சென்று அங்கே இருக்கும் இந்துக்கள் பாதுகாப்பாக உள்ளனர் எனவும் தீவிரவாத தாக்குதல்களை Whitewash செய்த முதல் யூடியூபர் தான் இந்த கேடுகெட்ட மதன் கெளரி. இன்று பஹல்காம் குறித்து இன்னும் பேசாமல் உள்ளான் இந்த பொறுக்கி!“ என்று குறிப்பிடப்பட்டிருப்பதையும் காண முடிகிறது.

பாகிஸ்தானில் வாழும் சிறுபான்மை இந்துக்கள் மிக மகிழ்ச்சியாக இருக்கிறார்கள் பாகிஸ்தான் அரசு சிறுபான்மை இந்துக்களுக்கு சகல உரிமையும் வழங்கி இருக்கிறது என்று நேரடியாக அங்குள்ள இந்து மக்களிடம் பேசி வீடியோ வெளியீட்ட யூடியுபர் ஜோதி மல்ஹோத்ராவையும், தமிழக யூடியுபர் மதன் கௌரியையும் . pic.twitter.com/4gTDUEEpEa

— SAM Kaja mohaideen Aiml (@aimlkaja111) May 19, 2025

உண்மை என்ன? 

பரவி வரும் வீடியோ குறித்து ஆய்வு செய்து பார்த்ததில், இது பாகிஸ்தானில் எடுக்கப்பட்ட வீடியோ அல்ல என்பதை அறிய முடிந்தது. 

மேலும் மதன் கெளரி தனது யூடியூப் பக்கத்தில் சமீபத்தில் வெளியிட்டுள்ள வீடியோ ஒன்றில், பரவி வரும் வீடியோ குறித்து  குறிப்பிட்டு பேசியிருந்ததையும் காண முடிந்தது. 

மேலும் ஆய்வு செய்ததில், பரவி வரும் வீடியோவின் முழுப் பகுதி, கடந்த 2019-ல் “🇳🇵NEPAL VLOG | What Pakistan Thinks about South India 🇮🇳 | Madan Gowri | Tamil | MG“ என்ற தலைப்பில் வெளியிடப்பட்டிருந்ததைக் காண முடிந்தது. 

வீடியோவை ஆய்வு செய்ததில், இது மதன் கெளரி, கடந்த 2019-ல் நேபாளம் நாட்டிற்கு சென்று அங்குள்ள பாகிஸ்தானியர்களை பேட்டியெடுத்த போது எடுக்கப்பட்ட வீடியோ. இதை பாகிஸ்தானில் எடுக்கப்பட்ட வீடியோ என்று கூறி தவறாகப் பரப்பி வருகின்றனர் என்பதை அறிய முடிந்தது. 

முடிவு: 

நம் தேடலில், யூடியூபர் மதன் கெளரி பாகிஸ்தான் நாட்டிற்கு சென்று அங்குள்ள இந்துக்கள் பாதுகாப்பாக உள்ளதாக வீடியோ எடுத்துள்ளதாகக் கூறி பரவும் வீடியோ நேபாளத்தில் எடுக்கப்பட்டது என்பதை அறிய முடிகிறது.