யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
பாகிஸ்தானில் உள்ள ரஹீம் யார் கானில் அமைந்துள்ள இந்தப் பள்ளியின் உண்மையான பெயர் 'POLE STAR SCHOOL OF SCIENCES'. இதை தவறாகப் பரப்பி வருகின்றனர்.
பரவிய செய்தி
விரிவான விளக்கம்
“மதுரையின் சாலையில் உள்ள பெயர் பலகையைப் பாருங்கள், இதுவும் அறிவியல் தானே” என்று கூறி புகைப்படம் ஒன்று சமூக ஊடகங்களில் வைரலாகப் பரவி வருகிறது. பரவி வரும் புகைப்படத்தில், “P*RN STAR SCHOOL OF SCIENCES“ என்று குறிப்பிடப்பட்டிருப்பதையும் காண முடிகிறது.
என்னடா இது மதுரை-க்கு வந்த சோதனை..!!
சரிதான்...!! அதுவும் அறிவியல் தானே.??🫣 pic.twitter.com/Mq5UxV4SfN
உண்மை என்ன?
பரவி வரும் புகைப்படத்தை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இது உண்மையான புகைப்படம் அல்ல என்பதை அறிய முடிந்தது.
பாகிஸ்தானில் உள்ள ரஹீம் யார் கானில் அமைந்துள்ள இந்தப் பள்ளியின் உண்மையான பெயர் 'POLE STAR SCHOOL OF SCIENCES' என்பதையும், இந்தப் பள்ளி பேராசிரியர் ஜாவேத் அக்தர் வஹ்லாவால் நடத்தப்படுகிறது என்பதையும், “Lens“ ஊடகப் பக்கத்தில் வெளியிடப்பட்டுள்ள செய்தியின் மூலம் அறிய முடிந்தது. மேலும் அதில் உண்மையான புகைப்படத்தை எடிட் செய்து பலரும் தவறாகப் பரப்பி வருகின்றனர் என்றும் குறிப்பிடப்பட்டிருந்தது.
On left is a pic doing the rounds on social media and WhatsApp groups in Pakistan of a school in Karachi with the name “Pornstar School of Sciences”
On right is the actual pic of the school pic.twitter.com/Xagy6deQIu
இதே போன்று “Pakistan Factcheck” ஊடகத்தின் எக்ஸ் பக்கத்திலும், “POLE STAR SCHOOL OF SCIENCES” என்று குறிப்பிடப்பட்டுள்ள உண்மையான புகைப்படத்தை, எடிட் செய்து தவறாகப் பரப்புகின்றனர் என்று தெளிவாகக் குறிப்பிட்டிருந்தனர்.
முடிவு:
நம் தேடலில், பரவி வரும் புகைப்படத்தில் உள்ள பள்ளியின் உண்மையான பெயர் 'POLE STAR SCHOOL OF SCIENCES' என்பதையும், பெயர்பலகையின் புகைப்படத்தை எடிட் செய்து கடந்த 2020-ல் இருந்தே தவறாகப் பரப்பி வருகின்றனர் என்பதையும் அறிய முடிகிறது.
