யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
திரைப்பட நடிகர் சாய் தீனா, நடிகர் விஜய் குறித்து கடந்த 2019-ல் பேசிய வீடியோவை, சீமான் குறித்து நடிகர் சாய் தீனா புகழ்ந்து பேசுவதாகக் கூறி பலரும் தவறாகத் திரித்துப் பரப்பி வருகின்றனர்.
பரவிய செய்தி
விரிவான விளக்கம்
திரைப்பட நடிகர் சாய் தீனா, நாம் தமிழர் கட்சியின் தலைமை ஒருங்கிணைப்பாளர் சீமான் குறித்து புகழ்ந்து பேசுவதைப் பாருங்கள் என்று குறிப்பிட்டு வீடியோ ஒன்று சமூக ஊடகங்களில் வைரலாகப் பரவி வருகிறது. வீடியோவில் நடிகர் சாய் தீனா எங்கள் அண்ணனைப் பற்றி கூறுவதற்கு ஒரு நாள் போதாது என்பது போல புகழ்ந்து பேசுவதைக் காண முடிகிறது. அவர் பேசி முடித்ததும் வீடியோவில் சீமானின் வீடியோக்கள் வரிசையாக வருவதையும் காண முடிகிறது.
As simple as that.... என் அண்ணன்... pic.twitter.com/H7RWhIuDif
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில் இது கடந்த 2019 ஆம் ஆண்டு பதிவுசெய்யப்பட்ட வீடியோ என்பதை அறிய முடிந்தது.
‘Little Talks‘ யூடியூப் பக்கத்தில் “THALAPATHY-லாம் கலைத்தாயின் தவம் - Sai Dheena Emotional Interview | Bigil | Vijay | LittleTalks” என்ற தலைப்பில் பதிவு செய்யப்பட்டுள்ள வீடியோவில், நடிகர் சாய் தீனா, அண்ணன் என்று குறிப்பிட்டு நடிகர் விஜய்யை பற்றியே புகழ்ந்து பேசுகிறார்.
இந்நிலையில் 'பிகில்' திரைப்படம் வெளியான போது நடிகர் சாய் தீனா நடிகர் விஜய் குறித்து புகழ்ந்து பேசியதை, சீமான் குறித்து புகழ்ந்து பேசுவதாகக் குறிப்பிட்டு பலரும் வீடியோவின் ஒரு சிறு பகுதியை மட்டும் எடுத்து எடிட் செய்து தவறாகப் பரப்பி வருகின்றனர்.
முடிவு:
நடிகர் சாய் தீனா, நாம் தமிழர் கட்சியின் தலைமை ஒருங்கிணைப்பாளர் சீமான் குறித்து புகழ்ந்து பேசுவதாகப் பரவும் செய்திகள் தவறானவை என்பதை அறிய முடிகிறது.
