யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
பரவிவரும் இந்த புகைப்படம் செயற்கை நுண்ணறிவு தொழில்நுட்பத்தால் போலியாக உருவாக்கப்பட்டது.
பரவிய செய்தி
விரிவான விளக்கம்
உதயநிதி ஸ்டாலினின் மகனான இன்பநிதி கடந்த செப்டம்பர் மாதம் ‘Red Giant Movies’ தயாரிப்பு நிறுவனத்தின் தலைமை பொறுப்புக்கு வருவதாக செய்திகள் வெளியாகின. அதிலிருந்து, உதயநிதி போலவே இன்பநிதியும் தயாரிப்பாளராக அறிமுகமாகி பின்னர் நடிகர் அதன் பின்னர் அரசியலுக்கு வரவிருக்கிறார் என்று சமூக வலைத்தளத்தில் பேசப்பட்டு வந்தது.
இந்நிலையில், இன்பநிதி ஒரு பெண்ணுடன் இருப்பது போன்ற அந்தரங்கமான புகைப்படத்தை சமூக வலைத்தளத்தில் சிலர் பரப்பி வருகிறார்கள்.
உண்மை என்ன?
பரப்பப்படும் இந்த புகைப்படம் உண்மையானதா என்று ‘Hive Moderation’ என்ற வலைத்தளத்தில் சோதனை செய்தோம்.
அதில் இந்தப் புகைப்படம் முற்றிலும் செயற்கை நுண்ணறிவு (AI) தொழில்நுட்பத்தால் உருவாக்கப்பட்ட போலியான புகைப்படம் என்பது தெரியவருகிறது.
இதுபோன்று சமூகத்தில் பிரபலமானவர்களின் புகைப்படங்களை Deep Fake என்ற செயற்கை நுண்ணறிவு தொழில்நுட்பத்தை கொண்டு தவறாக சித்தரிக்கும் போக்கு சமீபகாலத்தில் அதிகரித்து வருவது குறிப்பிடத்தக்கது.
முடிவு:
செயற்கை நுண்ணறிவு (AI) தொழில்நுட்பத்தால் போலியாக உருவாக்கப்பட்ட புகைப்படத்தை கொண்டு இன்பநிதி ஒரு பெண்ணுடன் அந்தரங்கமாக இருப்பதாக தவறாக பரப்பி வருகிறார்கள்.
