காங்கிரஸ் எம்எல்ஏ பூங்காவில் மான்களை வேட்டையாடுவதாக பரவும் வதந்தி வீடியோ !

காங்கிரஸ் சட்டமன்ற உறுப்பினர் அனில் உபாத்யாய் பூங்காவில் மான்களை வேட்டையாட கற்றுக்கொண்டிருக்கிறார். இதை வைரலாக்குங்கள்.



Twitter link | Archive link 

காங்கிரஸ் சட்டமன்ற உறுப்பினர் அனில் உபாத்யாய் என்பவர் பூங்காவில் மான்களை வேட்டையாடிக் கற்றுக் கொள்வதாக 2 நிமிட வீடியோ ஒன்று சமூக வலைதளங்களில் வைரலாகி வருகிறது.

காங்கிரஸ் சட்டமன்ற உறுப்பினர் அனில் உபாத்யாய் பூங்காவில் மான்களை வேட்டையாடி கொன்றுக்கொண்டிருக்கிறார். 😭
இதை வைரலாக்குங்கள். அவருக்கு நீதிமன்றம் தண்டனை வழங்கும் வரை 😡😡😡.. 🙄 *மோடி மயிலுக்கு உணவளித்ததை கிண்டல் செய்த நாதாரிகளை என்ன செய்வது??? 😡😡😡😡 pic.twitter.com/fcWc7KjxxD

— E.P.GANESAN.Bjp. (@45454545G) April 2, 2022

உண்மை என்ன ? 

கடந்த 2019-ல் பாஜகவைச் சேர்ந்த சட்டமன்ற உறுப்பினர் மானை வேட்டையாடிக் கொல்வதாக இதே வீடியோ சமூக வலைதளங்களில் வைரலாகியது. அப்போதே, வைரல் வீடியோவின் உண்மைத்தன்மை குறித்து விரிவான கட்டுரையை வெளியிட்டு இருந்தோம்.

மேலும் படிக்க : பாஜக எம்.எல்.ஏ மானை வேட்டையாடுவதாக வைரலாகும் வீடியோ உண்மையா ?

வைரலாகும் வீடியோ இந்தியாவைச் சேர்ந்தது அல்ல. கடந்த 7 ஆண்டுகளுக்கு முன்பாக பங்களாதேஷ் நாட்டில் பேசுப் பொருளான வீடியோவாகும்.



2015 ஜூலை 12-ம் தேதி பங்களாதேஷ் நாட்டைச் சேர்ந்த ” The daily star ” எனும் செய்தி இணையதளத்தில் ” Who is the beast? ” என்ற தலைப்பில் வெளியான கட்டுரையில் பங்களாதேஷ் நாட்டில் பிறந்த ஆஸ்திரேலியரான மொய்ன் உதின் தன்னுடைய சொந்த பண்ணையில் மான்களை வேட்டையாடி மகிழ்வதாக வெளியிட்ட வீடியோ குறித்து கடுமையாக கேள்வி எழுப்பி இருந்தன. இதற்கு, மொய்ன் உதின் பதிலும் அளித்து இருந்தார்.

முடிவு : 

நம் தேடலில், காங்கிரஸ் சட்டமன்ற உறுப்பினர் அனில் உபாத்யாய் பூங்காவில் மான்களை வேட்டையாட கற்றுக்கொண்டிருக்கிறார் என பரவும் வீடியோ தவறானது. அது பங்களாதேஷ் நாட்டைச் சேர்ந்தது என அறிய முடிகிறது.