கோவை அரசு மருத்துவமனையில் எடுத்த புகைப்படமா ?

ஊர் சுற்றி பார்க்க நினைத்தால் கோவை GH க்கு போய் பாருங்கள். ஈரக்குலை நடுங்கி விடும் தேவையின்றி வெளியில் திரியாதீர்கள்.



Facebook link | Archive link 

தமிழகத்தின் கோவை பகுதியில் கொரோனா பாதிப்பு தொடர்ந்து அதிகரித்து வரும் செய்திகளும், வீடியோக்களும் சமூக வலைதளங்களில் பகிரப்பட்டு வருகின்றன. ஊர் சுற்றி பார்க்க நினைத்தால் கோவை GH க்கு போய் பாருங்கள் என சில வீடியோக்களும், இதுபோன்ற புகைப்படங்களும் பகிரப்பட்டு வருகின்றன.

இந்நிலையில், மருத்துவமனையில் நோயாளிகள் படுக்கை கிடைக்காமல் நெரிசலாக தங்கி சிகிச்சை பெறும் இப்புகைப்படத்தை கோவை அரசு மருத்துவமனையில் எடுக்கப்பட்டதாக பகிர்ந்து வருகிறார்கள். ஏசியாநெட்நியூஸ் இணையதளத்திலும், கோவையில் ஆக்சிஜன், படுக்கைக்கு தட்டுப்பாடு என இப்புகைப்படத்தை பதிவிட்டு இருக்கிறார்கள்.



Archive link 



உண்மை என்ன ?

வைரல் செய்யப்படும் புகைப்படத்தில் யாரும் மாஸ்க் அணியவில்லை. இப்புகைப்படத்தை ரிவர்ஸ் இமேஜ் சேர்ச் செய்கையில், " மேற்கு வங்கத்தின் பர்தமான் மாவட்டத்தில் உள்ள மருத்துவமனை " என 2020 மார்ச் மாதம் 15-ம் தேதி ட்விட்டர் பக்கம் ஒன்றில் பதிவாகி இருக்கிறது.

WB CM didn't allow #AyushmanBharatPMJAY project in #WestBengal.

She proudly says WB has her own Public Health project #Swasthyasathi.

Now, have a look at d true scenario of a Hospital in Bardhaman District in WB.

Is this #Swasthyasathi? Or #Swasthyaghatee?@MamataOfficial @ANI pic.twitter.com/4A5lHGGlgq

— Debjani Bhattacharyya (@DebjaniBhatta20) March 15, 2020

Twitter link

2019 டிசம்பரில் thedoctorsdialogue எனும் இணையதளத்தில் வெளியான பதிவில் இப்புகைப்படம் இடம்பெற்று இருக்கிறது.



மேற்கொண்டு தேடுகையில், கம்யூனிஸ்ட் கட்சியைச் சேர்ந்த Surjya Kanta Mishra என்பவர் தன் ட்விட்டர் பக்கத்தில் மேற்கு வங்க மாநிலத்தில் உள்ள அரசு மருத்துவ கல்லூரி மற்றும் மருத்துவமனையின் நிலை என மம்தா அரசை விமர்சித்து இப்புகைப்படத்தை 2019 ஆகஸ்ட் மாதம் பகிர்ந்து இருக்கிறார்.



Twitter link