யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
நடிகர் பார்த்திபன் தவெக தலைவர் விஜய் பற்றி கூறியதாக 'Just be Filmy' நிறுவனம் வெளியிட்ட News Card தவறானது என்று கூறி அந்நிறுவனமே அதனை நீக்கிவிட்டது.
பரவிய செய்தி
‘சமீபத்தில் தூத்துக்குடிக்கு தேர்தல் பிரச்சாரத்திற்கு சென்ற தவெக தலைவர் விஜய்க்கு வந்த கூட்டத்தை பார்த்து வியந்து போய் விட்டேன். விஜய்யை பார்க்க வேண்டும் என்று சிறியவர்கள் முதல் பெரியவர்கள் வரை மாலையுடன் வந்து நின்றார்கள். தேர்தலுக்கு முன்பே விஜய்யை ஒரு முதலமைச்சராக மக்கள் பார்க்க ஆரம்பித்து விட்டார்கள்’ - நடிகர் பார்த்திபன்
விரிவான விளக்கம்
கடந்த ஏப்ரல் 09ஆம் தேதி தேர்தல் பிரச்சாரத்திற்காக தவெக தலைவர் விஜய் தூத்துக்குடி சென்றிருந்தார். அப்போது ’அவருக்கு மக்கள் அளித்த வரவேற்பை பார்த்து, அவரை தேர்தலுக்கு முன்பே அவரை மக்கள் முதல்வாராக ஏற்றுக்கொண்டார்கள்’ என்று நடிகர் பார்த்திபன் கூறியதாக ‘Just be Filmy’ என்ற சினிமா செய்தித்தளம் News Card வெளியிட்டிருக்கிறது. அதனை தவெக ஆதரவாளர்கள் பலர் சமூக வலைத்தளங்களில் பரப்பி வருகிறார்கள்.
உண்மை என்ன?
நடிகர் பார்த்திபன் தவெக தலைவர் விஜய் குறித்து இவ்வாறான கருத்து ஏதும் தெரிவித்திருக்கிறாரா என்று இணையத்தில் தேடினோம். அப்போது நடிகர் பார்த்திபன் அவர்களின் அதிகாரப்பூர்வ சமூக வலைத்தள பக்கத்தில் இது குறித்து அவர் வெளியிட்டிருந்த பதிவு ஒன்றைக் காணமுடிந்தது.
ஒரு தவறான செய்தியை வெளியிட்டு, அது தவறெனத் தெரிந்ததும் அதை remove செய்து பின் அதற்கான வருத்தத்தை தெரிவித்ததை நான் மதிக்கிறேன்.என் பெயரில் வெளிவந்துள்ள மேற்படி கருத்து நான் சொல்லாதது. அதற்கான மறுப்பைக் கூட சொல்ல வேண்டாமென அமைதி காத்தேன் . ஆனால் ஒரு பத்திரிக்கையாள நண்பர் “ ஏன்… pic.twitter.com/EJrpJnZUtV
அதில், இவ்வாறு அவர் சொன்னதாக ஏதேனும் ஆதாரம் இருக்கிறதா? என்று ‘Just be Filmy’ அலுவலத்தை தொடர்பு கொண்டு கேட்டதாகவும், அதற்கு அவர்கள் ஆதாரம் இல்லையென சொல்லி அந்த பதிவை நீக்கிவிட்டதாகவும் குறிப்பிட்டுள்ளார்.
மேலும், ’இந்த தவறான செய்தியை வெளியிட்டதற்காக அவரிடம் மன்னிப்பு கேட்டுக்கொள்வதாகவும், இது போல் இனிமேல் நடக்காமல் பார்த்துக்கொள்வதாகவும்’ Just be Filmy நிறுவனம் அதிகாரப்பூர்வமாக அவரிடம் குறிப்பிட்டதாகவும் பார்த்திபன் பதிவிட்டுள்ளார்.
மேலும், ’நடிகர் பார்த்திபன் விஜய் பற்றி கூறியதாக தவறான தகவல் வெளியிட்டதற்காக வருந்துவதாக’ Just be Filmy தனது சமூக வலைத்தளத்தில் Story போட்டுள்ளதும் குறிப்பிடத்தக்கது.
முடிவு:
நடிகர் பார்த்திபன் தவெக தலைவர் விஜய் பற்றி கூறியதாக பரவும் News Card தவறானதாகும். அதனை வெளியிட்ட Just be Filmy நிறுவனமும் அதனை நீக்கிவிட்டது. இதனை அந்த நிறுவனமும் பார்த்திபனும் உறுதிபடுத்தியுள்ளனர்.
